အခုတစ်ခေါက် အနုပညာရှင်တို့ရဲ့ ကဏ္ဍမှာတော့ လက်ရှိဟော့ဖြစ်နေတဲ့ ကေပေါ့အမျိုးသမီးအဖွဲ့တွေထဲက တစ်ဖွဲ့ဖြစ်တဲ့ NMIXX အဖွဲ့ရဲ့ အချောအလှလေး Sullyoon ပဲဖြစ်ပါတယ်။
သူမရဲ့ နာမည်အရင်းကတော့ Seol Yoon-A ဖြစ်ပြီးတော့ ၂၀၀၄ ခုနှစ် ဇန်နဝါရီ ၂၆ ရက်နေ့မှာ တောင်ကိုရီးနိုင်ငံ ဒယ်ဂျွန်းမြို့၌ မွေးဖွားခဲ့တာဖြစ်ပါတယ်။
မောင်နှမအနေနဲ့ အကြီးဆုံးဖြစ်ပြီးတော့ မောင်အငယ်နဲ့ ညီမအငယ် ရှိပါတယ်။ ငယ်စဥ်အချိန် ကလေးဘဝကတည်းက သူမရဲ့ လှပမှုကြောင့် အမြဲချီးမွမ်းခံရသူလေးပါ။
အနုပညာရှင်မလုပ်ခင် ကျောင်းတက်နေစဥ်တုန်းကလည်း စာကြိုးစားပြီး ကျောင်းမှန်မှန်တက်တဲ့ ကျောင်းသူကောင်းတစ်ယောက်ဆိုပြီးတော့လည်း သူမရဲ့ သူငယ်ချင်းတွေက ပြောပါတယ်။
Sullyoon ဟာ နာမည်ကြီး အေဂျင်စီတွေဖြစ်တဲ့ JYP, YG, နဲ့ SM တို့သာမက THEBLACKLABEL နဲ့ Fantagio တို့ရဲ့ Auditions တွေ အကုန်လုံးကို အောင်မြင်ထားသူတစ်ဦးပါ။ ဒါပေမယ့် TWICE ပရိတ်သတ်တစ်ဦးဖြစ်တာမို့ JYP Entertainment ကို ရွေးချယ်ခဲ့ပါတယ်။
၂၀၂၂ ခုနှစ် ဖေဖော်ဝါရီ ၂၂ ရက်နေ့မှာ NMIXX အဖွဲ့နဲ့ ပွဲဦးထွက်ခဲ့ပြီး သူမရဲ့ ချောမောလှပမှုကြောင့် ကေပေါ့လောကရဲ့ ထိပ်တန်း 4th gen အလှပဂေးတွေထဲက တစ်ဦးဖြစ်လာခဲ့ပါတယ်။
အရုပ်ကလေးအလား ချစ်ဖို့ကောင်းတဲ့ Sullyoon ရဲ့ ပရိတ်သတ်တွေအတွက် သူမရဲ့ဖက်ရှင်လေးတွေကို ဖော်ပြပေးလိုက်ရပါတယ်။
Image Source: Pinterest
