ဟယ်လို MyStyle Myanmar ရဲ့ စာဖတ်ချစ်ပရိတ်သတ် ပျိုမေလေးတို့ရေ… ဖက်ရှင်ကိုစိတ်ဝင်စားသူတို့အတွက် အမြဲတင်ဆက်ပေးနေတဲ့ အနုပညာရှင်တို့ရဲ့ ဖက်ရှင်ကဏ္ဍအတွက် ဒီတစ်ခေါက် ရွေးချယ်ထားသူကတော့ မော်ဒယ်လ် Emily Ratajkowski ပဲဖြစ်ပါတယ်။
နာမည်အပြည့်အစုံက Emily O’Hara Ratajkowski ဖြစ်ပြီး ၁၉၉၁ ခုနှစ်၊ ဇွန်လ ၇ ရက်နေ့မှာ လန်ဒန်မြို့၌ မွေးဖွားခဲ့ပါတယ်။ ဒါပေမယ့်လည်း သူမကြီးပြင်းလာခဲ့တာကတော့ ကယ်လီဖိုးနီးယားပြည်နယ်၊ Encinitas မှာပါ။
Ratajkowski ဟာ (2009–2010) တုန်းက Nickelodeon ရုပ်သံလိုင်းက ထုတ်လွှင့်ပြသခဲ့တဲ့ iCarly စီးရီးမှာ ပါဝင်ခဲ့ပြီးနောက် လူသိများလာခဲ့တာဖြစ်ပြီး မော်ဒယ်လ်အလုပ်ကိုတော့ မတ်လ 2012 ခုနှစ်ရဲ့ မဂ္ဂဇင်းမျက်နှာဖုံးမှာ ပါဝင်ရင်း စတင်လုပ်ကိုင်ခဲ့တာဖြစ်ပါတယ်။
နောက်ပိုင်းမှာ တချိန်က အင်မတန် လူကြိုက်များခဲ့တဲ့ သီချင်းဖြစ်တဲ့ Robin Thicke ရဲ့ “Blurred Lines” နဲ့ Maroon 5 ရဲ့ “Love Somebody” ဆိုတဲ့ MV တို့မှာလည်း ပါဝင်ခဲ့ဖူးပါသေးတယ်။
ဒါ့အပြင် Gone Girl , Entourage , We Are Your Friends , I Feel Pretty , Welcome Home နဲ့ The Spoils Before Dying , Easy စတဲ့ ဇာတ်ကားတွေမှာလည်း ပါဝင်သရုပ်ဆောင်ခဲ့ပါတယ်။
New York Fashion Week, Miu Miu တံဆိပ်အတွက် Paris Fashion Weekနဲ့ Bottega Veneta, Dolce & Gabbana, နဲ့ Versace တို့အတွက် Milan Fashion Week တို့မှာလည်း မော်ဒယ်လ်အဖြစ် လျှောက်လှမ်းခဲ့ပါတယ်။
လက်ရှိမှာ အသက် ၃၁ နှစ်ရှိပြီဖြစ်ပေမယ့်လည်း နှစ်ဆယ်ကျော်လေးလို့ပဲ ထင်ရလောက်အောင် နုပျိုနေသေးတဲ့ Emily ရဲ့ ဖက်ရှင်တွေက မော်ဒယ်လ်ဆိုတဲ့အတိုင်း အလန်းစား အမိုက်စားစတိုင်လ်တွေကိုပဲ ဝတ်စားဆင်ယင်တတ်လို့ ဖက်ရှင်ကိုလေ့လာနေတဲ့ ပျိုမေတို့အတွက် ပြန်လည်မျှဝေပေးလိုက်ပါတယ်နော်။
Image Source: Pinterest
