အားလုံးပဲမင်္ဂလာပါနော်။ နေ့ရက်တိုင်း ပိုမိုကြည့်ကောင်းနေစေဖို့ ဖက်ရှင်၊ အဝတ်အစား အသားအရေ စတဲ့ အရာအားလုံး အရေးပါလှပါတယ်။ အဓိကအားဖြင့်တော့ အဝတ်အစား ဝတ်ပုံလေးတွေပေါ့ရှင်။

ဆိုတော့ သွားတဲ့နေရာနဲ့ ကိုယ်ဝတ်မယ့်အဝတ်အစား လိုက်ဖက်ညီမှုမရှိရင်လည်း ဘယ်လိုမှ သင့်ကို ကြည့်ကောင်းနေစေမှာမဟုတ်ပါဘူး။

ဒီတခါမှာတော့ နေ့ရက်တိုင်း ပိုပြီးကြည့်ကောင်းပြီး ပိုမိုလှပတဲ့ ကောင်မလေးတစ်ယောက်ဖြစ်ဖို့ လိုက်နာပေးသင့်တဲ့ နည်းလမ်းကောင်းလေးတွေကို မျှဝေပေးချင်ပါတယ်နော်။

၁။ အဝတ်အစား မဝတ်ကြည့်ခင် အရင်ဆုံး ခန္ဓာကိုယ်နဲ့ ကပ်ကြည့်ပါ။ ကိုယ်နဲ့ လိုက်မလိုက် အရင် သိနိုင်မှာဖြစ်ပြီး အချိန်ကုန်သက်သာစေပါလိမ့်မယ်။

၂။ အပြင်က ရာသီဥတုနဲ့ ကိုက်ညီတဲ့အဝတ်အစားကို ရွေးချယ်သင့်ပါတယ်။

၃။ လမ်းလျှောက်ရမယ့်အချိန်၊ အလုပ်သွားရမယ့်အချိန် ဒေါက်ဖိနပ်ကိုရွေးချယ်စီးမယ်ဆိုရင်တော့ လုံးဝမှားသွားမှာပါ။

၄။ သင်နဲ့ ပွလည်းမပွ ကြပ်လည်းကြပ်မနေဘဲ သင့်တော်ပြီး ကွက်တိဖြစ်တဲ့ အဝတ်အစားကို ရွေးချယ်ပါ။

၅။ ရိုးရှင်းတဲ့ အဝတ်အစား ဖက်ရှင်ဆိုပေမယ့် လှပတဲ့ လက်ဝတ်အသုံးအဆောင်နဲ့ဆို တကယ်ကို စတိုင်လ်ကျနေစေမှာဖြစ်ပါတယ်။

၆။ အရောင်အရမ်းတောက်တဲ့ ဖက်ရှင်တွေကို အမြဲတမ်း မရွေးချယ်ပါနဲ့။

၇။ အတွင်းခံကိုလည်း သေချာရွေးချယ်ပါ။ သင်နဲ့ သက်သောင့်သက်သာရှိတာရွေးပါ။

၈။ ချည်ထည်လေးတွေကို ဝတ်ဖို့ အကြံပြုချင်ပါတယ်။ သင့်ကို ပိုပြီးသက်သောင့်သက်သာဖြစ်စေမှာဖြစ်ပါတယ်နော်။

Source: www.blushbabe.com