ပွဲတက်ဝတ်စုံတွေအကြောင်း ပြောမယ်ဆိုရင် Wedding Outfits တွေလည်း ချန်ထားခဲ့လို့ မသင့်ပါဘူး။ ကိုယ်က မင်္ဂလာဆောင်ပွဲတစ်ခုမှာ ဧည့်သည်အဖြစ် တက်ရောက်မယ်ဆိုရင် မြန်မာဝတ်စုံပဲ ဝတ်ဝတ် ၊ အနောက်တိုင်းစတိုင် Dress နဲ့ပဲ တက်တက် ဖြစ်ပါတယ်။
မင်္ဂလာပွဲထဲက သတို့သား ၊ သတို့သမီးတွေရဲ့ ဖက်ရှင်နဲ့ ပိုပြီး Match ဖြစ်ရင် ပိုကောင်းတာပေါ့။ မဖြစ်လည်း ကိစ္စမရှိပါဘူး။ သပ်ရပ်သားနားတဲ့ Dress Code ဖြစ်ရင် ရပါတယ်။ အခုပြောမယ့် ဖက်ရှင်တွေကတော့ သူများ မင်္ဂလာဆောင်သွားရင် ဝတ်မလာသင့်ပါဘူး။
(၁) အပွင့်အခက်ပါတဲ့ ဝမ်းဆက်ဖက်ရှင်တွေ
ပြောင်ပြောင်လက်လက်နဲ့ အပွင့်အခတ်တွေပါတဲ့ အဝတ်အစားမျိုးကတော့ မဖြစ်မနေကို ရှောင်ရမှာပါ။ မင်္ဂလာဆောင်ဆိုတာ ဖက်ရှင်ရှိုးမဟုတ်သလို ဘော်ဒါတွေ စုပြီး ကဲကြတဲ့ အထူးပါတီပွဲမျိုးလည်း မဟုတ်ပါဘူး။ Floral ကို Dress ဖက်ရှင်ဆိုရင်တော့ ဝတ်လို့အဆင်ပြေပါတယ်။
(၂) ဘောင်းဘီတို
ပူတဲ့ရာသီမျိုးမှာ အပြင်ထွက်တာ ၊ ပေါ့ပေါ့ပါးပါး လျှောက်သွားတာမျိုးမှာ ဘောင်းဘီတိုဝတ်တာ ကိစ္စမရှိပါဘူး။ ဒါပေမယ့် မင်္ဂလာဆောင်ကိုတော့ ဘယ်သူမှ ဘောင်းဘီတိုနဲ့ မလာသင့်ဘူးဆိုတာ သိထားဖို့ လိုပါတယ်။
(၃) Jeans
Casual ဖက်ရှင် ကြိုက်တတ်ရင်တောင် Wedding မှာ Jeans Pant တွေ ရှောင်သင့်ပါတယ်။
(၄) ဂရပ်ဖစ် ၊ လိုဂိုနဲ့ ပြောင်ပြောင်လက်လက် တီရှပ်များ
အကောင်းဆုံးက တီရှပ်မဝတ်ဘဲ Dress ဖြစ်ဖြစ် သပ်သပ်ရပ်ရပ် ရှပ်လက်ရှည်သန့်သန့်လေး ဝတ်လာဖို့ပါပဲ။ လီနင်ရှပ်လက်ရှည်လေး မီးပူထိုးပြီး ဝတ်လာရင်တောင် ကြည့်ကောင်းပါလိမ့်မယ်။
