မင်္ဂလာပါ ပျိုမေတို့ရေ။ ပျိုမေတို့အနေနဲ့ အဝတ်အစားရွေးချယ်တဲ့အခါ ခန္ဓာကိုယ်က ဘယ်လိုပုံစံပဲဖြစ်နေပါစေ ကိုယ့်ရဲ့အချိုးအစားအတိုင်း လိုက်ဖက်ပြီး ပေါ်လွင်နေအောင် တွဲစပ်ဝတ်တတ်ဖို့က အရေးအကြီးဆုံးပါပဲ။ ဒီတစ်ခေါက်မှာ မပိန်လွန်း မဝလွန်းတဲ့ ကြား Size အနေအထား ခန္ဓာကိုယ်ပြည့်ပြည့် မိန်းကလေးတွေအတွက် Outift အိုင်ဒီယာယူနိုင်ဖို့ အထာကျတဲ့ ဖက်ရှင်အတွဲအစပ်လေးတွေကို ဖော်ပြပေးသွားမှာပါ။ ကိုယ့်ရဲ့ Body Shape လေးပိုကြည့်ကောင်းသွားအောင် ပံ့ပိုးပေးမယ့်အပြင် အခုခေတ်ကောင်မလေးတွေကြား အဝတ်များတဲ့ လူငယ်ဆန်ဆန်စတိုင်လေးတွေဖြစ်လို့ စိတ်ဝင်စားတယ်ဆိုရင် ဆက်ကြည့်လိုက်ရအောင်နော်-

ခန္ဓာကိုယ်ထွားတဲ့သူတွေက ဘောင်းဘီကို Skinny Jeans ပုံစံမျိုးထက် ခါးတင်၊ အောက်အပွ Jean တွေနဲ့ပိုလိုက်ပါတယ်။ အပေါ်က Body Fit ဖြစ်တဲ့ Crop Top လေးတွေနဲ့ တွဲဝတ်ကြည့်ပါ။ Crop Top လက်ပြတ်ကို အပေါ်ကလက်ရှည်လေးတစ်ထပ်တွဲပြီး ဝတ်မယ်ဆိုရင်လည်း လက်မောင်းကြီးတာတွေ မသိသာတော့ပါဘူး။

Mini ဂါဝန်အဖြူလေးတွေကလည်း ခန္ဓာကိုယ်ပြည့်ပြည့်လေးတွေအတွက် ကလေးလေးလို ချစ်စရာကောင်းစေမှာပါ။


ပေါ့ပေါ့ပါးပါးနဲ့ ဆွဲဆောင်မှုရှိစေမယ့် နောက်ထပ် ဖက်ရှင်လေးက စကပ်ရှည်နဲ့ Crop Top အကျီၤအတွဲအစပ်ပါ။ ပုံထဲကလို ပုံစံလေးတွေဝတ်ကြည့်နိုင်ပါတယ်။


ခန္ဓာကိုယ်ပြားတာကြောင့်ပဲဖြစ်ဖြစ် ခါးကြီးသလိုမြင်ရတယ်ဆိုရင် အပေါ်က ဂျာကင်အင်္ကျီတစ်ထပ်ထပ်တဲ့ ဖက်ရှင်မျိုး ဝတ်ကြည့်သင့်ပါတယ်။ ပုံထဲကလို အင်္ကျီအဖြူ Mini စကပ် (သို့) ဂျင်းဘောင်းဘီရှည်လေးနဲ့ တွဲဝတ်ကြည့်ပါ။


ဘောင်းဘီအမဲတစ်ထည်က သင့်ရဲ့ခန္ဓာကိုယ်ကို ပိုသွယ်သလို မြင်ရပြီး စမတ်ကျစေမှာပါ။ ခါးတင်အကျီၤလေးတွေနဲ့တွဲဝတ်တာ ဒါမှမဟုတ် အင်္ကျီခါးကို ဘောင်းဘီထဲထည့်ဝတ်တာမျိုး လုပ်ကြည့်ပါ။


ခန္ဓာကိုယ်ပြည့်တဲ့သူတွေက Mini စကပ်လေးတွေနဲ့ပိုလိုက်ပြီး ချစ်စရာကောင်းပါတယ်။ သင်က စကပ်အတိုဝတ်လေ့ရှိတဲ့သူဆိုရင် ပုံမှာပြထားတဲ့ လူငယ်ဆန်ဆန် ကိုးရီးယားစတိုင်လေးတွေ Try ကြည့်သင့်ပါတယ်။

Photo Source: Pinterest

By MyStyle Myanmar