Bua လို့ ချစ်စနိုးအမည်ရတဲ့ ထိုင်းမင်းသမီးချော Nalinthip Sakulongumpai ကို Wansiri Ongumpai ဆိုပြီးတော့လည်း ပရိတ်သတ်တွေက ခေါ်ကြပါသေးတယ်။ ထိုင်းနိုင်ငံ၊ ဘန်ကောက်မြို့မှာမွေးဖွားခဲ့တဲ့ ထိုင်းမင်းသမီးနဲ့မော်ဒယ်လ်တစ်ဦးဖြစ်ပြီး သီချင်းနားထောင်ခြင်း၊ သီချင်းဆိုခြင်း၊ ရုပ်ရှင်ကြည့်ခြင်း၊ အားကစားလုပ်ခြင်း၊ ခရီးသွားခြင်းတို့ကို ဝါသနာပါသူလည်းဖြစ်ပါတယ်။
မင်းသမီး Bella Ranee Campen နဲ့ သူငယ်ချင်းကောင်းတွေဖြစ်ပြီး မကြာခဏဆိုသလိုလည်း အတူတူ ခရီးတွေထွက်လေ့ရှိကြကာ လက်ရှိအချိန်မှာတော့ ချစ်သူရည်းစားမရှိသေးပါဘူး။
၂၀၀၆ ခုနှစ်က ကျင်းပခဲ့တဲ့ Miss Teen Thailand ပွဲမှာ ပါဝင်ယှဥ်ပြိုင်ခဲ့ပြီးနောက် အနုပညာလောကထဲကို စတင်ဝင်ရောက်လာခဲ့ပါတယ်။ ၂၀၀၇ မှာတော့ Thai Channel 7 မှ ထုတ်လွှင့်ပြသခဲ့တဲ့ “Look Ranad” ဇာတ်လမ်းနဲ့အတူ ပွဲဦးထက်ခဲ့သလို နာမည်ကျော်အဆိုတော်များဖြစ်ကြတဲ့ Musketeers, Jetset’er နဲ့ အခြားသူတို့ရဲ့ music videos တွေမှာလည်း ပါဝင်သရုပ်ဆောင်ခဲ့ပါတယ်။
လက်ရှိအချိန်မှာတော့ အနုပညာသက်တမ်း ၁၄ နှစ်ရှိပြီဖြစ်ကာ သူမပါဝင်သရုပ်ဆောင်ခဲ့တဲ့ ဇာတ်လမ်းတွဲတွေထဲမှာ ကာရိုက်တာအမျိုးမျိုးကို ပိုင်ပိုင်နိုင်နိုင်သရုပ်ဖော်နိုင်ခဲ့တဲ့ ဝါရင့်မင်းသမီးတစ်ဦးအဖြစ် ရပ်တည်နေပါတယ်။ ထိုင်းနိုင်ငံက ပရိတ်သတ်တွေသာမက နိုင်ငံတကာမှ ပရိတ်သတ်တွေရဲ့ အားပေးချစ်ခင်မှုကိုပါ ရရှိထားတဲ့အပြင် မော်ဒယ်လ်အဖြစ်နဲ့လည်း လုပ်ကိုင်ဖူးတဲ့သူတစ်ဦးမို့ သူမရွေးချယ်ဝတ်ဆင်သမျှ ဖက်ရှင်တွေဟာဆိုရင်လည်း သဘောကျနှစ်သက်စရာတွေချည်းပဲမို့ မိန်းကလေးအချင်းချင်း အတူတူလေ့လာလိုက်ရအောင်ပါ။
