မင်္ဂလာပါ ပျိုမေတို့ရေ။ ကိုးရီးယားဒရမ်မာဇာတ်လမ်းတွဲတွေ ကြည့်ဖူးတဲ့ပရိသတ်တိုင်းကတော့ မင်းသမီး Han So Hee ကို ရင်းနှီးပြီးသားဖြစ်မှာပါ။ သူမဟာဆိုရင် “The World Of Married” ၊ “Nevertheless” စတဲ့နာမည်ကြီးဇာတ်လမ်းတွဲတွေကတစ်ဆင့် မြန်မာပရိသတ်တွေကြား လူကြိုက်များလာတဲ့သူဖြစ်ပါတယ်။


အသက် ၂၈ နှစ်အရွယ်သူမဟာ ၂၀၁၇ ခုနှစ်ကစလို့ ဇာတ်ပို့အနေနဲ့ ဇာတ်လမ်းတွဲတွေမှာ ပါဝင်လာခဲ့ပြီး ၂၀၂၀ မှာတော့ အဓိကမင်းသမီးအဖြစ်စတင်ရိုက်ကူးခဲ့ရာကတစ်ဆင့် လက်ရှိမှာ ပုရိသတို့ရဲ့ အသည်းစွဲ ထိပ်တန်းမင်းသမီးတစ်လက်ဖြစ်နေပါပြီ။

မင်းသမီးမဖြစ်ခင်ကတည်းက ဟန်ဆောင်မှုမရှိဘဲ ကိုယ်ပိုင်ပုံစံအတိုင်း လွတ်လွတ်လပ်လပ်နေတတ်တဲ့ သူမရဲ့ပုံရိပ်ကို ပရိသတ်တွေက သဘောကျကြပါတယ်။ သူမဟာ မိတ်ကပ်မပါဘဲနဲ့ ပင်ကိုယ်လှတဲ့ မျက်နှာပေါက်မျိုး ပိုင်ဆိုင်ထားသူလေးဆိုရင်လည်း မမှားပါဘူး။


ကိုယ်လုံးကိုယ်ပေါက်လည်းလှတဲ့ သူမဟာ နာမည်ကြီး မဂ္ဂဇင်းတော်တော်များများရဲ့ မျက်နှာဖုံးမော်ဒယ်လ်အဖြစ် ပါဝင်ခဲ့ဖူးသလို အဝတ်အထည် Brand တွေရဲ့ ကြော်ငြာမော်ဒယ်လ်အဖြစ်ပါ လုပ်ကိုင်နေသူမို့ ဖက်ရှင်ပိုင်းနဲ့မစိမ်းတဲ့ မော်ဒယ်လ်မင်းသမီးတစ်ယောက်လည်း ဖြစ်ပါတယ်။


So Hee ဟာ အရပ် ၅ ပေ ၅ ရှိတဲ့သူမအရပ်နဲ့လိုက်တဲ့ ခပ်ရှင်းရှင်း ဖက်ရှင်လေးတွေကို စတိုင်ကျကျ ဝတ်တတ်သူပါ။ သူမဝတ်လေ့ရှိတဲ့ Jean နဲ့အတွဲအစပ် ဖက်ရှင်လေးတွေက သက်တောင့်သက်သာရှိသလို လူငယ်၊လူလတ်မရွေး လိုက်ဝတ်လို့ အဆင်ပြေတာမို့ ဒီတစ်ခေါက်မှာ ပျိုမေတို့ အိုင်ဒီယာယူနိုင်မယ့် မင်းသမီး So Hee ရဲ့ Jean ဖက်ရှင်အတွဲအစပ်လေးတွေကို ဖော်ပြပေးလိုက်ပါတယ်။


Photo Source: Pinterest

By MyStyle Myanmar