အေးချမ်းတဲ့အပြုံးလေးရှိတဲ့ ကိုးရီးယားမင်းသမီး Nam Ji Hyun ရဲ့အကြောင်းနဲ့ သူမရဲ့ဖက်ရှင်အချို့

မင်္ဂလာပါနော်။ K Drama ကြည့်နေကျပရိသတ်တွေကတော့ ကလေးသရုပ်ဆောင်ဘဝကတည်းက အနုပညာလောကထဲဝင်လာခဲ့တဲ့ မင်းသမီးချောလေး Nam Ji Hyun ကို သိကြမယ်ထင်ပါတယ်။ “Say You Love Me” ၊ “The Great King, Sejong” ၊ “East of Eden” နဲ့ “Queen Seondeok” စတဲ့ ဇာတ်လမ်းတွဲတွေမှာ ဇာတ်ဆောင်မင်းသမီးအငယ်နေရာကနေ ပါဝင်သရုပ်ဆောင်ခဲ့ပြီး လူသိများလာခဲ့သူပါ။

သူမရဲ့ ပွဲဦးထွက်ဇာတ်လမ်းကို အသက် ၇ နှစ်မှာရိုက်ကူးခဲ့ပြီး လက်ရှိမှာတော့ ၂၆ နှစ်ရှိပါပြီ။ နန်းတွင်းနဲ့ ခေတ်ပေါ်ကားနှစ်မျိုးလုံးကို ပိုင်ပိုင်နိုင်နိုင်သရုပ်ဆောင်နိုင်သူတစ်ယောက်ဖြစ်ပြီး ခေါင်းဆောင်မင်းသမီးအဖြစ် ပါဝင်ရိုက်ကူးခဲ့တဲ့ “Shopping King Louie” ၊ “Suspicious Partner” နဲ့ “100 Days My Prince” စတဲ့ဇာတ်လမ်းတွေကြောင့် ပရိသတ်တွေကြား လူကြိုက်များလာခဲ့ပါတယ်။

နာမည်ကြီးမင်းသားတော်တော်များများနဲ့လည်း တွဲဖက်သရုပ်ဆောင်ဖူးပြီး ဇာတ်ရုပ်တိုင်းနဲ့လိုက်အောင် သရုပ်ဆောင်နိုင်တဲ့ စွမ်းရည်ကြောင့် အကောင်းဆုံးသရုပ်ဆောင်ထူးချွန်ဆုများစွာ ရရှိထားသူတစ်ယောက်ဆိုရင်လည်းမမှားပါဘူး။ Ji Hyun ဟာ လတ်တလောထွက်ရှိထားတဲ့ “Little Women” ဇာတ်လမ်းတွဲမှာလည်း သတင်းထောက်မလေးနေရာကနေ ပါဝင်သရုပ်ဆောင်ထားပါသေးတယ်။

Ji Hyun ဟာ ကြောင်လေးတွေကို ချစ်တတ်တဲ့အပြင် မြင်သူတိုင်းရဲ့ ရင်ကိုအေးချမ်းစေတဲ့ အေးချမ်းတဲ့မျက်နှာပေါက်လေး ပိုင်ဆိုင်ထားသူတစ်ယောက်ပါ။