Oatmeal တွေမှာ အာဟာရဓာတ်ပါဝင်မှုက မြင့်မားသည့်အပြင် အသားအရေ ရောင်ရမ်းခြင်းကို သက်သာစေမယ့် အစွမ်းသတ္တိတွေလည်း ပေါင်းစပ်ပါဝင်တာကြောင့် အသားအရေပြဿနာများစွာအတွက်လည်း ကုသနည်းတစ်မျိုးအနေနဲ့ အသုံးပြုနိုင်ပါတယ်။
အသားအရေကို ကြည်လင်စိုပြေနေစေပြီး မျက်နှာပေါ်က အညစ်အကြေးတွေနဲ့ အဆီပိုတွေကို ဖယ်ရှားရာမှာလည်း ကူညီပေးပါတယ်။ အသားအရေရဲ့ pH ပမာဏကို ထိန်းသိမ်းရာမှာလည်း အရေးကြီးတဲ့အခန်းကဏ္ဍတစ်ခုအနေနဲ့ လုပ်ဆောင်ပေးတဲ့ Oatmeal ဟာ ယားယံခြောက်သွေ့တဲ့အသားအရေကို ကုသပေးကာ အစိုဓာတ်ကိုထိန်းသိမ်းပေးထားပါတယ်။
Oatmeal ကို အသုံးပြုပြီး မျက်နှာပေါင်းတင်ခြင်းကို မှန်မှန်ပြုလုပ်ပေးမယ်ဆိုပါက ဝက်ခြံတင်းတိပ်တွေကို ကင်းရှင်းစေမှာဖြစ်သလို နေလောင်ခြင်းကိုသက်သာစေပြီး အသားအရေကို နူးညံ့နေစေမှာဖြစ်ပါတယ်။
Oatmeal နှင့် နို့
ပါဝင်ပစ္စည်းများ
ကြိတ်ခြေထားသည့် Oatmeal – စားပွဲတင်ဇွန်း ၂ ဇွန်း
နို့ – စားပွဲတင်ဇွန်း ၂ ဇွန်း
သစ်ကြံပိုးခေါက်မှုန့် – လက်ဖက်ရည်ဇွန်း 1/4
အဆင့် (၁) – ပါဝင်ပစ္စည်းအားလုံးကို ပန်းကန်လုံးတစ်ခုထဲကို ရောထည့်လိုက်ပြီး အနှစ်ရလာတဲ့အထိ ရောသမမွှေပေးပါ။
အဆင့် (၂) – မျက်နှာနဲ့ လည်ပင်းကို ပြောင်စင်အောင်သန့်စင်ပြီး Oatmeal အနှစ်ကို လိမ်းပေးပါ။ မိနစ် ၂၀ ကြာထားပြီးတော့ အချိန်ပြည့်ပါက ရေနွေးနွေးလေးနဲ့ မျက်နှာပြန်သစ်ပေးနိုင်ပါတယ်။ ပြီးရင် အသားနုတဲ့ တဘက်နဲ့ အသာပုတ်ပြီးသုတ်ပေးပါ။ Non Comedogenic Moisturizer လိမ်းပေးပါ။
Oatmeal နှင့် ပန်းသီးရှာလကာရည်
ပါဝင်ပစ္စည်းများ
ကြိတ်ခြေထားသည့် Oatmeal – စားပွဲတင်ဇွန်း ၂ ဇွန်း
ပန်းသီးရှာလကာရည် – စားပွဲတင်ဇွန်း ၁ ဇွန်း
ပန်းသီးဖျော်ရည် – လိုအပ်သလို
အဆင့် (၁) – Oatmeal နှင့် ပန်းသီးရှာလကာရည်နှစ်မျိုးကို ပန်းကန်လုံးတစ်ခုထဲကိုထည့်ပေးပါ။ ပန်းသီးဖျော်ရည်ကို သင့်တင့်ရုံလောက်ထည့်ပေးပြီး အနှစ်ဖြစ်အောင် မွှေပေးပါ။
အဆင့် (၂) – ချောမွေ့တဲ့အနှစ်အနေအထားကို ရသွားပြီဆိုရင် မျက်နှာပေါ်မှာလိမ်းပေးပြီး ခြောက်အောင်ထားပါ။ ခြောက်သွားပြီဆိုပါက ရေနွေးနွေးလေးနဲ့ မျက်နှာသစ်ကာ အသာအယာပုတ်ပြီး မျက်နှာသုတ်ပါ။ Non Comedogenic Moisturizer လိမ်းပေးပါ။ ဒီနည်းလမ်းကိုတော့ တစ်ပတ်လျှင် သုံးကြိမ်မှ လေးကြိမ်အထိ အသုံးပြုပေးနိုင်ပါတယ်။
Source: FabHow
