ဝက်ခြံတွေ အမြန်သက်သာစေဖို့ ရှားစောင်းလတ်ပတ်ဂျယ်နဲ့ ပေါင်းတင်နည်း

ရှားစောင်းလတ်ပတ်က တည့်တဲ့သူတွေအတွက်ဆိုရင် အဖိုးတန် သဘာဝ ပစ္စည်းတစ်မျိုးပါ။ ရှားစောင်းလတ်ပတ်ဂျယ်ရဲ့ အသားအရေအတွက် ကောင်းကျိုးတွေကတော့- အသားအရေ စိုပြေချောမွတ်စေတာ၊ အမာရွတ်တွေကို သက်သာစေတာ၊ ဝက်ခြံနီမြန်းတာ သက်သာတာ၊ အစက်အပြောက်တွေကို လျော့ပါးစေတာ စတာတို့ ဖြစ်ပါတယ်။

ဒီတော့ ရှားစောင်းလတ်ပတ်ဂျယ်ကို သုံးပြီး ဝက်ခြံချပ်သွားစေမယ့် နည်းလမ်းတွေကို ကြည့်လိုက်ရအောင်နော်

ပထမဆုံး ခွက်အသန့် တစ်ခွက်ထဲကို ရှားစောင်းလတ်ပတ်ဂျယ် ထည့်ပေးရပါမယ်။

Photo Source: YouTube.com

ပြီးနောက် ပျားရည် ထပ်ထည့်ပေးရပါမယ်။ ပျားရည်က ချွေးပေါက်တွေကြားက အညစ်အကြေးတွေ၊ ဘတ်တီးရီးယားတွေကို ဖယ်ရှားပေးပါတယ်။ ဝက်ခြံဖြစ်တာ သက်သာစေပါတယ်။

Photo Source: Cosmo.ph

ပျားရည်ထည့်ပြီးနောက် ထပ်ထည့်ပေးရမှာကတော့ Tea Tree Oil ပါ။ Tea Tree Oil က ဝက်ခြံ အမာရွတ်တွေကို သက်သာစေပါတယ်။ မျက်နှာနီမြန်းတာကို သက်သာစေပြီး အယောင်အယမ်း ကျစေပါတယ်။ အသားအေးစေပါတယ်။

ဒီသုံးမျိုးကို ရောပေးရပါမယ်။ သတိပြုရမယ့် အချက်အနေနဲ့ မျက်နှာပေါ် မလိမ်းခင် လက်မောင်းပေါ်မှာ ၅ မိနစ် ခန့် အရင်တင်ပြီး တည့်မတည့် စမ်းပေးရပါမယ်။ ဘာ တုံ့ပြန်မှုမှ မရှိရင်တော့ သင် ဆက်သုံးလို့ ရပါပြီ။

Photo Source: Fab How

မျက်နှာပေါ်က ဝက်ခြံ ရှိတဲ့နေရာတွေပေါ် လိမ်းပြီးနောက် ၁၅ မိနစ် ကြာတာနဲ့ ရေပြန်ဆေးချနိုင်ပါပြီ။

By MyStyle Myanmar