လက်မောင်းဘေးအဆီက ချရခက်တဲ့ အဆီတွေထဲ ပါဝင်ပါတယ်။ လက်မောင်းဘေးအဆီကြောင့် အထူးသဖြင့် အင်္ကျီလက်ပြတ်တွေ ဝတ်တဲ့အခါ အဝတ်ပေါ်မှာ ထင်ရှားနေပြီး စိတ်ကသိကအောင့် ဖြစ်နိုင်ပါတယ်။ ဒီအဆီက ပိန်တဲ့သူတွေမှာတောင် ရှိနေနိုင်ပါတယ်။ ဒီတစ်ခေါက်မှာတော့ လက်မောင်းဘေးအဆီကို သိသိသာသာ လျော့ကျစေမယ့် ထိရောက်တဲ့ လေ့ကျင့်ခန်းတွေကို ဖော်ပြပါရစေ။
၁။ Arm Circles
Photo Source: Gfycat
လက်နှစ်ဘက်ကို ဘေးဘက် တစ်ဖြောင့်တည်း ဆန့်တန်းကာ စက်ဝိုင်းပုံစံ ပတ်ပေးရပါမယ်။ ရှေ့ဘက်ကို ၁၅ ခါ ပတ်ပေးရပါမယ်။ ပြီးနောက် နောက်ဘက်ကို ၁၅ ခါ ဝိုက်ပေးရပါမယ်။ ဒါကို တစ်ဘက်ဆီ သုံးကြိမ် လုပ်ပေးရပါမယ်။
၂။ Bent Over Row
Photo Source: Gfycat
အလေးတုံးကို မ ကာ ခန္ဓာကိုယ်ကို ရှေ့ဘက် ကိုင်းပေးရပါမယ်။ ပြီးနောက် ဒီအလေးတုံးကို ခန္ဓာကိုယ်ဘေး ရောက်တဲ့အထိ ဆွဲ တင်ပေးရပါမယ်။ ဒါကို ၁၅ ခါ သုံးကြိမ် လုပ်ပေးရပါမယ်။
၃။ Push Up
Photo Source: Giphy
ဒိုက်ထိုးတာကလည်း လက်မောင်းအဆီကို ထိထိရောက်ရောက် ကျစေမယ့် လေ့ကျင့်ခန်းပါ။ ၁၅ ခါ သုံးကြိမ် ထိုးပေးရပါမယ်။ သင်က ဒူးထောက်ပြီးလည်း ဒိုက်ထိုးနိုင်ပါတယ်။
၄။ Bicep Curls
Photo Source: Popsugar
အလေးတုံးကို သင့်ခန္ဓာကိုယ်ရှေ့မှာ တစ်တန်းတည်း ထားပေးရပါမယ်။ ပြီးနောက် ဒီအလေးတုံးကို သင့်ရင်ဘတ် ရှေ့ ရောက်တဲ့အထိ ပင့်တင်ပေးရပါမယ်။ ၁၅ ခါ သုံးကြိမ်ပါပဲ။
၅။ Tricep Extension
Photo Source: Verywell Fit
အလေးတုံး တစ်ခုတည်းကိုပဲ လက်နှစ်ဖက်နဲ့ စုကိုင်ထားကာ ခေါင်းပေါ်မှာ မြှောက်ကိုင်ထားရပါမယ်။ ပြီးနောက် သင့်လည်ပင်းအပေါ် နားရောက်တဲ့အထိ လက်ကို ကွေးပေးရပါမယ်။ ဒါကိုလည်း ၁၅ ခါ သုံးကြိမ် လုပ်ရပါမယ်။
၆။ Lateral Raises
Photo Source: Tenor
အလေးတုံးကို ခန္ဓာကိုယ် ဘေးမှာ ထားကာ သင့်လက်နှစ်ဘက်လုံးကို ဘေးဘက် မြှောက်ပေးရပါမယ်။ ၁၅ ခါ သုံးကြိမ် လုပ်ပေးရပါမယ်။
၇။ Front Raises
Photo Source: Pinterest
ဒီတစ်ခေါက်မှာတော့ အပေါ် Lateral Raises လိုပဲ လက်ကို မြှောက်ပေးရပါမယ်။ ဒါပေမဲ့ ဒီတစ်ခေါက်မှာတော့ အရှေ့ကို ၁၅ ခါ သုံးကြိမ် မြှောက်ပေးရပါမယ်။
၈။ Bent Over Lateral Raises
Photo Source: Spotebi
ရှေ့ဘက်ဆီ ခန္ဓာကိုယ်ကို ကိုင်းကာ အလေးတုံးကို ဒူးရှေ့နားလောက် ထားပေးရပါမယ်။ ပြီးနောက် ဒီအနေအထားနဲ့ပဲ လက်ကို ဘေးဘက် ကားပေးရပါမယ်။ ဒါကို ၁၅ ခါ သုံးကြိမ် လုပ်ပေးရပါမယ်။
By MyStyle Myanmar
