အထိုင်များတဲ့သူတွေဆိုရင်တော့ ခါးနာတာ နောက်ကျောအောင့်တာ ဇက်ကြောတက်တာတွေ အဖြစ်များတတ်ပါတယ်။ ဒီလိုခါးနာတာ၊ နောက်ကျောနာတာနဲ့ ဇာတ်ကြောတက်တာတွေကို မိနစ်ပိုင်းလေးအတွင်းမှာ အမြန်ဆုံးသက်သာစေဖို့အတွက် လုပ်ပေးသင့်တဲ့ လေ့ကျင့်ခန်းတစ်ချို့ကို မျှဝေပေးချင်ပါတယ်။ အဲ့ဒီလေ့ကျင့်ခန်းတွေကို လုပ်ပြီးတာနဲ့ နောက်ကျောတစ်လျှောက်နာကျင်တာတွေက သိသိသာသာ သက်သာသွားစေပါတယ်။ ကိုယ်က အမြဲနာတတ်တယ်ဆိုရင်တော့ နေ့တိုင်း ၁၀ မိနစ်လောက် အချိန်ပေးပြီး လုပ်ပေးပါ။ နေ့တိုင်း မလုပ်နိုင်ရင်တောင် တစ်ရက်ခြားတစ်ခါတော့ ပုံမှန်လေးလုပ်ပေးမယ်ဆိုရင် သက်သာသွားမှာပါ။
ပုံမှပြထားသလို ကြမ်းမှာ လှဲအိပ်ပြီး ခြေထောက်တစ်ဖက်က ဒူးထောင်ပြီး ခြေဖဝါးက ကြမ်းနဲ့ကပ်နေရပါမယ်။ ခြေထောက်နောက်တစ်ဖက်ကိုတော့ လက်နဲ့ကိုင်ပြီး တန်းနေအောင် မြှောက်ထားရပါမယ်။ ဒီအတိုင်းလုပ်ပြီး ၁၀ စက္ကန့်နေရပါမယ်။ နောက်ခြေထောက်တစ်ဖက်ကိုလည်း ဒီအတိုင်းပဲလုပ်ပြီး ၁၀ စက္ကန့် ထပ်နေရပါမယ်။
ကြမ်းမှာလှဲအိပ်ပြီး ခြေထောက်နှစ်ဖက်လုံးကို လက်နဲ့တုပ်ထားကာ ပုံမှာပြထားတဲ့အတိုင်း နေရပါမယ်။ စက္ကန့် ၂၀ နေပြီးရင် ၁၀ စက္ကန့်နားပြီး နောက်ထပ် စက္ကန့် ၂၀ ဒီအတိုင်းထပ်နေရပါမယ်။ ၂ ခါလုပ်ပေးရမှာပါ။
ကြမ်းပြင်မှာလှဲအိပ်ပြီး ခြေထောက်တစ်ဖက်ကို ဆန့်တန်းထားပါ။ နောက်တစ်ဖက်ကိုတော့ ပုံမှာပြထားတဲ့အတိုင်း လက်နဲ့ကိုင်ပြီး ကွေးထားရပါမယ်။ ဒီတိုင်း စက္ကန့် ၂၀ နေပေးရပါမယ်။ ပြီးရင် နောက်တစ်ဖက်ကိုလည်း ဒီအတိုင်း တစ်လှည့်စီလုပ်ပေးပြီး စက္ကန့် ၂၀ ထပ်နေရပါမယ်။
ပုံမှာပြထားတဲ့အနေအထားအတိုင်း စက္ကန့် ၃၀ နေပေးရပါမယ်။ အချိန်ပြည့်ရင် ခြေထောက်နောက်တစ်ဖက်နဲ့ တစ်လှည့်စီပြောင်းပြီး စက္ကန့် ၃၀ ထပ်နေရပါမယ်။ ဘယ်၊ညာ တစ်လှည့်စီပေါ့။ ဒီလေ့ကျင့်ခန်းကတော့ စလုပ်တဲ့အချိန်မှာ ခြေထောက်အကြောတွေတင်းပြီး နာတာမျိုး ဖြစ်တတ်ပါတယ်။ ခဏခဏလုပ်ရင်းနဲ့မှ အသားကျသွားပါလိမ့်မယ်။
ပုံမှာပြထားတဲ့အနေအထားအတိုင်း ဘယ်ခြေထောက်ကိုဆန့်၊ ညာခြေထောက်ကိုကွေးပြီး စက္ကန့် ၃၀ နေရပါမယ်။ ပြီးရင် ထုံးစံအတိုင်း ညာခြေထောက်ကိုဆန့်၊ ဘယ်ခြေထောက်ကိုကွေးပြီး စက္ကန့် ၃၀ ထပ်နေရပါမယ်။
ပုံမှာပြထားသလို ခန္ဓာကိုယ်ကိုမတ်မတ်ထားပြီး မတ်တပ်ရပ်ပါ။ ပြီးရင် ဘယ်ခြေထောက်တစ်ဖက်ကို လက်နဲ့ယူပြီး ဖနောင့်ကို တင်ပါးနဲ့ထိနေအောင် လုပ်ထားရပါမယ်။ ဒီအတိုင်း စက္ကန့် ၃၀ နေရပါမယ်။ ညာခြေထောက်ကိုလည်း ဒီအတိုင်းပဲ ထပ်လုပ်ပြီး စက္ကန့် ၃၀ နေပေးပါ။
ရှေ့မှာ ခုံတစ်ခုံထားပြီး ပုံမှပြထားတဲ့အတိုင်း စက္ကန့် ၃၀ နေပေးရပါမယ်။ ခြေထောက်တွေက ကွေးနေလို့မရပါဘူး။ ခြေထောက်၊ လက်၊ ခါးရိုး အားလုံးကို ဆန့်တန်းထားရမှာပါ။ ဒီလေ့ကျင့်ခန်းကတော့ အကြောအချဉ်တွေ အရမ်းပြေစေတာကြောင့် ၃ ခါလုပ်ပေးရပါမယ်။
Source: www.brightside.me
