ကိုယ်အလေးချိန်တက်တဲ့အချိန် ပေါင်တုတ်လာတတ်ပါတယ်။ ပေါင်အဆီကလည်း ဗိုက်အဆီလိုပဲ ချရတာ အချိန်ယူရပါတယ်။ ပေါင်တုတ်တာကြောင့် ခန္ဓာကိုယ်လေးတယ်လို့ ခံစားရစေပါတယ်။ ဘာဝတ်ဝတ်မလှဘူးလို့လည်း တချို့မိန်းကလေးတွေက ခံစားရတတ်ပါသေးတယ်။ သင့်အနေနဲ့ ဒီလို ပျိုမေတွေထဲမှာ ပါဝင်တယ်ဆိုရင်တော့ ပေါင်အဆီကျ လေ့ကျင့်ခန်းတွေကို ပြုလုပ်သင့်ပါတယ်။ ဒီတော့ လွယ်ကူတဲ့ ပေါင်အဆီကျ လေ့ကျင့်ခန်းတွေကို ကြည့်လိုက်ရအောင်နော်-
Single Leg Swing
Photo Source: 24Life
မတ်တပ်ရပ်အနေအထားနဲ့ ခါးထောက်ထားရပါမယ်။ ခန္ဓာကိုယ်ကို တစ်ဖြောင့်တည်း ထားရပါမယ်။ ပြီးနောက် ခြေထောက်ကို ရှေ့ဘက် ဘယ်ညာ လွှဲပေးရပါမယ်။ ဒါကို ဘယ်ဘက် အခါ ၂၀ ညာဘက် အခါ ၂၀ လုပ်ပေးရပါမယ်။
Heels off Wide Squat
Photo Source: Pinterest
ခြေဖျားထောက်ထားကာ ဒူးကွေးကာ ဘေးနှစ်ဖက် ပေါင်ကားပေးထားရပါမယ်။ ပြီးနောက် လက်ကို ရှေ့မှာ စုထားကာ ထိုင်ထလုပ်ပေးရပါမယ်။ ဒီလိုလုပ်တဲ့နေရာမှာ အတွင်းပေါင်သားကို အားပြုကာ ဖြည်းဖြည်းချင်း လုပ်ပေးရပါမယ်။ အခါ ၂၀ လုပ်ရပါမယ်။
Thigh Resistance
Photo Source: Christina Carlyle
အိပ်လျက်အနေအထား ဒါမှမဟုတ် တင်ပါးကို အပေါ် ပင့်ကာ နေပေးရပါမယ်။ ပြီးနောက် ပေါင်ကို ဘေးနှစ်ဖက် ကားပေးရပါမယ်။ ကားပြီးနောက် နဂိုအနေအထားအတိုင်း ပြန်စေ့ပေးရပါမယ်။ အခါ ၂၀ လုပ်ရပါမယ်။
Frog Hip Up
Photo Source: Spotebi
ခြေထောက်နှစ်ဖက်ကို ဒူးကွေးကာ စုထားပေးရပါမယ်။ ပြီးနောက် တင်ပါးကို အပေါ် ပင့်တင်ပေးရပါမယ်။ ဒီလေ့ကျင့်ခန်းကို အခါ ၂၀ လုပ်ရပါမယ်။
Top Leg Cycle
Photo Source: Giphy
ကိုယ်ကို ဘေးစောင်းအနေအထားနဲ့ ခြေထောက်ဆန့်ကာ ရှေ့နောက် စက်ဝိုင်းပုံစံ ဝိုင်းပေးရပါမယ်။ ဒါကို ရှေ့နောက် တစ်လှည့်စီ ဝိုက်ပေးရပါမယ်။ ဘယ်ခြေထောက် အခါ ၂၀ ညာခြေထောက် အခါ ၂၀ လုပ်ပေးရပါမယ်။
By MyStyle Myanmar
