နဂိုကထက် ရင်သားပိုဖွံ့ဖြိုးလာစေမယ့် လွယ်ကူတဲ့ လေ့ကျင့်ခန်း (၄) ခု

ရင်သားက မျိုးရိုးဗီဇ၊ စားသောက်ပုံ ပုံစံစတဲ့ အကြောင်းအမျိုးမျိုးကြောင့် တစ်ယောက်နဲ့ တစ်ယောက် အရွယ်အစားမတူပါဘူး။ ကိုယ့်မျိုးရိုးမှာ ရင်သားသေးတဲ့သူများရင် ကိုယ်လည်း သူတို့လို ဖြစ်တတ်ပါတယ်။ ဒါပေမဲ့ ကိုယ့်ရင်သားကို စားသောက်ပုံ ပြောင်းလဲခြင်း၊ လေ့ကျင့်ခန်း လုပ်ခြင်းစတဲ့ ကြိုးစားမှုတွေနဲ့ နဂိုကထက် ပိုဖွံ့ဖြိုးလာအောင် ကြိုးစားနိုင်ပါတယ်။

အကောင်းဆုံးကတော့ အားကစားရုံ Gym မှာ သွားဆော့တာပါပဲ။ သင်က ကိုယ့်အိမ်မှာပဲ အားကစား လုပ်ချင်တယ်ဆိုရင်တော့ ဒီလေ့ကျင့်ခန်းတွေကို ပြုလုပ်ပေးနိုင်ပါတယ်။ ဒါပေမဲ့ အောက်ဖော်ပြပါ လေ့ကျင့်ခန်းတွေအတွက် သားရေဆွဲကြိုး Band လိုအပ်ပါတယ်။

လေ့ကျင့်ခန်း ၁- Band Floor Press

သားရေကြိုးကို အိပ်လျက်နဲ့ နှစ်ဖက်မြှောက်ကိုင်ထားကာ အပေါ်အောက် ဆန့်ကွေး လုပ်ပေးရပါမယ်။
အောက်ချတဲ့အချိန် လက်တံတောင်နှစ်ဖက်က မြေပြင်နဲ့ ထိနေရပါမယ်။
အခါ ၂၀ သုံးကြိမ်လုပ်ပေးရပါမယ်။

Source: YouTube

လေ့ကျင့်ခန်း ၂- Band Chest Fly

ပုံထဲကလို အလေးတုံး သုံးနိုင်သလို Band ကိုလည်း သုံးနိုင်ပါတယ်။ လုပ်ပုံ ပုံစံ အတူတူပါပဲ။
သားရေဆွဲကြိုးကို နောက်ဘက် ကျောနဲ့ အမှီပြုပြီး လက်နှစ်ဖက်နဲ့ ဘေးဘက်ဆွဲကာ ရှေ့ဘက် ရင်ဘတ်ဆီ စုပေးရပါမယ်။
ပြန်ကားတဲ့အချိန် လက်နှစ်ဖက်က ကွေးလျက်အနေအထားနဲ့ အပေါ်ညွှန်ပြတဲ့ ပုံစံ ဖြစ်ရပါမယ်။ ဒါကိုလည်း အခါ ၂၀ သုံးကြိမ် လုပ်ပေးရပါမယ်။

Photo Source: Spotebi

လေ့ကျင့်ခန်း ၃- Svend Press with Prayer Hands

လက်နှစ်ဖက်ကို ရှေ့ဘက် ဘုရားရှိခိုးတဲ့ပုံစံ ထပ်ထားပေးရပါမယ်။ ရှေ့ဘက် ဆန့်ပေးရပါမယ်။
အလေးတုံးရှိရင် ပုံထဲကလို ပြုလုပ်နိုင်ပါတယ်။
ပြီးနောက် ဆုတောင်းတဲ့ပုံစံကိုပဲ ရင်ဘတ်ဆီနီးအောင် ကွေးပေးရပါမယ်။ ဒါကို ၁၅ ခါ သုံးကြိမ်လုပ်ရပါမယ်။

Photo Source: Oxygen Mag
လေ့ကျင့်ခန်း ၄- Push Up

Push Up ကတော့ ရင်သားကြီးချင်သူတွေအတွက် အဓိက အရေးကြီးတဲ့ လေ့ကျင့်ခန်းပါပဲ။
သင်က တစ်ဖြောင့်တည်း ဒိုက်မထိုးနိုင်ရင် ဒူးကွေးကာ ဒိုက်ထိုးနိုင်ပါတယ်။ ၁၂ ခါ သုံးကြိမ် လုပ်ပေးရပါမယ်။