လက်မောင်းက အဆီပိုတွေကို ဖယ်ရှားပေးနိုင်မယ့် လေ့ကျင့်ခန်းများ

မိမိလက်မောင်းရှိ အဆီပိုတွေကြောင့် စိတ်ညစ်နေရတဲ့သူများအတွက် အဆီပိုများကို ဖယ်ရှားပေးနိုင်မယ့် လေ့ကျင့်ခန်းများကို ဝေမျှပေးချင်ပါတယ်။

ဒီလေ့ကျင့်ခန်းများကို မှန်မှန်ပြုလုပ်ပေးတဲ့အခါ လက်မောင်းရှိအဆီပိုများ ပျောက်သွားပြီး လက်မောင်းကြွက်သားများ ကျစ်ကျစ်လျစ်လျစ်နဲ့ ကြည့်ကောင်းနေစေမှာဖြစ်ပါတယ်။

လေ့ကျင့်ခန်း (၁)

ခုံတစ်လုံးပေါ်မှာ လက်ကို နောက်ပစ်ထားပြီး လက်မောင်းအားအသုံးပြုကာ တံတောင်ကို ကွေးလိုက် ဆန့်လိုက် ပြုလုပ်ရမှာဖြစ်ပါတယ်။ ၁၂ ကြိမ်မှ ၁၅ ကြိမ်၊ ၃ ကျော့ခန့် ပြုလုပ်ပေးရမှာဖြစ်ပါတယ်။

လေ့ကျင့်ခန်း (၂)

ဒီလေ့ကျင့်ခန်း ပြုလုပ်တဲ့အခါမှာတော့ အလေးတုံးတစ်တုံး လိုအပ်မှာဖြစ်ပါတယ်။ အလေးတုံး မရှိပါက ရေဘူးတစ်ဘူး အစားထိုး အသုံးပြုလိုက်ပါ။ ပုံပါအတိုင်း ရပ်နေပြီး လက်မောင်ကို မြှောက်ထားပါ။

ထို့နောက် တံတောင်ကို အနောက်သို့ ကွေးလိုက် ဆန့်လိုက် ပြုလုပ်ရမှာဖြစ်ပါတယ်။ ၁၂ ကြိမ်မှ ၁၅ ကြိမ်၊ ၃ ကျော့ခန့် ပြုလုပ်ပေးရမှာဖြစ်ပါတယ်။

လေ့ကျင့်ခန်း (၃)

ဒီလေ့ကျင့်ခန်း ပြုလုပ်တဲ့အခါမှာတော့ အလေးတုံး နှစ်တုံးနဲ့ပဲ ပြုလုပ်ရပါမယ်။ အလေးတုံးကို သေချာကိုင်ပြီး တံတောင်ကို ကွေးချည် ဆန့်ချည် ပြုလုပ်ကာ အပေါ်သို့ ဆွဲမရမှာဖြစ်ပါတယ်။ ၁၂ ကြိမ်မှ ၁၅ ကြိမ်၊ ၃ ကျော့ခန့် ပြုလုပ်ပေးရမှာဖြစ်ပါတယ်။

လေ့ကျင့်ခန်း (၄)

ဒီလေ့ကျင့်ခန်းကတော့ သာမန်ပြုလုပ်နေကျ Plank လေ့ကျင့်ခန်းကိုမှ ခန္ဓာကိုယ်ကို ပက်လက်ထားကာ Plank ထောက်ရမှာဖြစ်ပါတယ်။ တစ်မိနစ်၊ ၃ ကျော့ခန့် Plank ထောက်ပေးလိုက်ပါ။

လေ့ကျင့်ခန်း (၅)

ဒူးကို အနည်းငယ်ကွေးထားပြီး ခန္ဓာကိုယ်အပေါ်ပိုင်းကို အရှေ့သို့ ညွှတ်ချထားပါ။ လက်နှစ်ဖက်က အလေးတုံးကို ကိုင်ထားပါ။ ထို့နောက် အလေးတုံးကို အနောက်သို့ ပစ်လိုက် အရှေ့သို့ ပြန်ကွေးလိုက်ဖြင့် တစ်လှည့်စီပြုလုပ်ရပါမယ်။ ၁၂ ကြိမ်မှ ၁၅ ကြိမ်၊ ၃ ကျော့ခန့် ပြုလုပ်ပေးရမှာဖြစ်ပါတယ်။