ထိရောက်ပြီး အကျိုးရှိစေမယ့် လေ့ကျင့်ခန်းတစ်ခုကို မျှဝေပေးချင်ပါတယ်။ Reverse Plank ဆိုတဲ့ လေ့ကျင့်ခန်းဖြစ်ပါတယ်။

ဘယ်လိုလုပ်ရမလဲ

အရင်ဆုံး ခြေစင်းပြီး ထိုင်ထားပါ။ လက်နှစ်ဖက်ကို နောက်ပစ်ပြီး ကြမ်းပြင်မှာချထားထားပါ။ ပြီးရင် တင်နဲ့ ခန္ဓာကိုယ်အလယ်ပိုင်းကို အပေါ်ကြွပေးပါ။ ခြေဖနောင့်နဲ့ ကြမ်းပြင်ကို ထောင့်ထားရမှာဖြစ်ပါတယ်။ ခန္ဓာကိုယ်ကို အပေါ်အောက် ဘေးစောင်း တဖြောင့်တည်း ဖြစ်အောင် ထားရမှာဖြစ်ပါတယ်။

ဝမ်းဗိုက်ကို တင်းထားပါ။

ပြီးရင် ၁၅ စက္ကန့်ကနေ စက္ကန့် ၆၀ ထိနေပေးပြီး ဖြည်းဖြည်းချင်း ပြန်ထိုင်လိုက်ပါ။

ဘယ်လိုထိရောက်မှုရှိသလဲ

တင်သားကိုလည်း တင်းရစ်လှပစေပါတယ်။ ဇီဝဖြစ်စဉ်ကို မြင့်တက်စေပါတယ်။ ကျောရိုးအတွက်လည်းကောင်းမွန်ပြီး ကိုယ်ဟန်အနေအထား မတ်လာစေမှာဖြစ်ပါတယ်။

ဝမ်းဗိုက်လည်းချပ်စေဖို့ကူညီပေးနိုင်ပြီး လက်မောင်းသားနဲ့ ခြေထောက်က အဆီတွေလည်း ကျစေမှာဖြစ်သလို ပုခုံးသားက ကြွက်သားအတွက်လည်း ကောင်းမွန်ပါတယ်။