အသက်အရွယ်တစ်ခုရောက်လာလို့ လှုပ်လှုပ်ရှားရှား ဖြစ်အောင်လေ့ကျင့်ခန်းလေးတွေလုပ်ချင်နေပြီလား။ လေးလေးပင်ပင်တွေမလုပ်ပဲနဲ့ ချွေးလေးလည်းထွက်မယ် ကိုယ်ခံအားလည်းကောင်းချင်တယ်ဆိုရင်တော့ အလွယ်တကူလည်း ပြုလုပ်လို့ရသလို ဘာအကူပစ္စည်းမှမလိုပဲနဲ့ ဆော့လို့ရတဲ့ လေ့ကျင့်ခန်းလေးတွေ မျှဝေပေးချင်ပါတယ်။
လေ့ကျင့်ခန်းလုပ်တယ်ဆိုတာကလည်း ကျန်းမာတဲ့Body တစ်ခုကိုပိုင်ဆိုင်ချင်ပြီး တစ်နေ့တာကို ကျန်းကျန်းမာမာနဲ့ ဖြတ်သန်းဖို့ဖြစ်ပါတယ်။ နောက်တစ်ခုသတိထားရမဲ့အချက်က လေ့ကျင့်ခန်းလုပ်နေတဲ့အတောအတွင်း အသက်ပုံမှန်လေးရှူပေးဖို့ မမေ့ပါနဲ့နော် ။ချွေးထွက်ပြီး ကိုယ်ခံအားကောင်းစေတဲ့အတွက် အိမ်တွင်းအောင်းတဲ့အချိန်တွေမှာလည်း ကျန်းမအောင်ပြုလုပ်ဖို့ အကြံပေးချင်ပါတယ်။
Side Jump
Side Jump က ခန္ဓာကိုယ်မတ်မတ်ရပ်ပြီး ခါးကိုဖြောင့်ဖြောင့်ထားရပါမယ်။ လက်နှစ်ဖက်ကိုတော့ ခါးဘေးမှာပဲ ကပ်ပြီးထားပေးလို့ရပါတယ်။ နောက်ပြီးတော့ ဟိုဘက်ခုန် ဒီဘက်ခုန် ခုန်ပေးရပါမယ်။ ခုန်နေတဲ့အချိန်မှာတော့ အသက်လေးကို ပုံမှန်လေးရှူပေးနေဖို့လိုပါတယ်။ ခုန်နေတုန်း မောလာတာတို့ အသက်ရှူကျပ်လာရင်တော့ ခဏလေးနားပေးလို့ရပါတယ်။ အနည်းဆုံး ၁၅ မိနစ်လောက်လုပ်ပေးလို့ရပါတယ်။
Squat
Squat ကတော့ ခန္ဓာကိုယ်တစ်ခုလုံးကိုအားပြုပေးတဲ့ လေ့ကျင့်ခန်းဖြစ်တဲ့အတွက် လုပ်ပေးသင့်တဲ့လေ့ကျင့်ခန်းအမျိုးအစားထဲမှာ ပါဝင်ပါတယ်။ ခြေတောက်ကို ပုခုံးကျယ်အတိုင်း ခါးကိုမတ်ပြီး ထိုင်ထသဘောမျိုးလုပ်ပေးရပါမယ်။ ခန္ဓာကိုယ်ရဲ့ အားတစ်ခုလုံးကိုတော့ ခြေတောက်နဲ့ တင်ပါးကိုပဲအားပြုထားရပါမယ်။ ခြေတောက်နှစ်ဖက်လုံးက ကားပြီးနေလို့မရပါဘူး ပခုံးနဲ့တစ်ပြေးတည်းရှိနေရမှာဖြစ်ပါတယ်။ အကြိမ် ၂၀ ကို သုံးခါလောက် လုပ်ပေးလို့ရပါတယ်။
Side Bent Over
Side to Side လုပ်လို့ရတဲ့အတွက် အကြောပြေစေပြီး အားအရမ်းမသုံးရတဲ့ လေ့ကျင့်ခန်းမျိုး ဖြစ်ပါတယ်။ ခြေတောက်နှစ်ဖက်ကို အနေတော်လေးထားပြီးတော့ လက်ကိုတော့ခြေမနဲ့ထိတဲ့အထိ အားပြုပေးရပါမယ်။ ဘက်လက်က ညာခြေ၊ညာလက်က ဘယ်ခြေကိုထိပေးရပါမယ်။ မတ်လိုက်တဲ့အချိန်မှာတော့ အသက်ကိုရှူပေးပြီး ထုတ်လိုက်တဲ့အချိန်မှာတော့ လေထုတ်ပေးရပါမယ်။ တစ်ဖက်ကို အကြိမ် ၂၀ ပြုလုပ်ပေးလို့ရပါတယ်။
Photo Source – Free.pik
