လူမှာ အရေးကြီးဆုံးက ကျန်းမာဖို့ပါ။ ကျန်းမာနေရင် ချမ်းသာမှု သုခကို အလိုလို ရနေပါတယ်။ ဒီဘက်ခေတ်မှာ ကျန်းမာရေးဟာ လူတိုင်းရဲ့ ထိပ်တန်း ဦးစားပေးကိစ္စ ဖြစ်လာပါတယ်။ကျန်းမာရေးကောင်းဖို့ အာဟာရရှိရှိ စားသောက်တာ အပြင် လူမှုပုံစံကိုလည်း ကျန်းမာရေးနဲ့ ညီဖို့ ဂရုပြုလာကြပါတယ်။ ဒါပေမယ့်လည်း ကျွန်တော်တို့ရဲ့ မသိလိုက်ဘာသာ လုပ်မိတဲ့ ကျန်းမာရေးအမှားလေးတွေ ရှိတတ်ကြပါတယ်။
(၁) လက်သည်းကိုက်တာ
Photo: BlikkRúzs
လက်သည်းကိုက်တတ်တဲ့ လူတော်တော်များများကို မြင်ဖူးကြမှာပါ။ လက်သည်းကိုက်တတ်တဲ့ အကျင့်ကြောင့် အရင်ဆုံး လက်သည်းတွေ ပျက်စီးပါတယ်။ လက်မှာ တွယ်ကပ်နေတဲ့ မမြင်ရတဲ့ ပိုးမွှားတွေနဲ့ ဘက်တီးရီးယားတွေ ပါးစပ်ထဲရောက်ပြီး ရောဂါတွေ ဖြစ်နိုင်ပါတယ်။ အခုခေတ်မှာဆို ကိုရိုနာဗိုင်းရပ်စ်လို ရောဂါဆိုးကြီးတွေအထိ ဖြစ်နိုင်ပါတယ်။
(၂) လေလည်ချင်စိတ် အောင့်ထားတာ
Photo: Medical News Today
လေလည်ချင်တာကို ချုပ်ထားမယ်ဆိုရင် ဝမ်းဗိုက်အောင့်လာနိုင်ပါတယ်။ လူကြားထဲမှာ လေလည်တာမျိုးကတော့ သိပ်မမိုက်ပါဘူး။ တတ်နိုင်ရင် လူရှင်းတဲ့နေရာသွားပြီး လွှတ်သင့်ပါတယ်။ ဘာပဲ ဖြစ်ဖြစ် လေလည်ချင်တာကို အောင့်ထားသူဟာ ကြာလာရင် ဗိုက်နာမယ် ၊ ဗိုက်ကယ်ပြီး နေရထိုင်ရ ခက်လာနိုင်ပါတယ်။
(၃) ပရိုတိန်း အစားများတာ
Photo: Allure
ပရိုတိန်းဟာ ကြွက်သားကြီးဖို့ အားပေးတဲ့ အာဟာရပါ။ ဒါပေမယ့် ပရိုတိန်းအစားများရင် ဆိုဒီယမ် မြင့်မားတာကြောင့် ရေဓါတ်ခမ်းခြောက်နိုင်သလို အသည်းလည်း ထိခိုက်ပျက်စီးနိုင်ပါတယ်။ သင့်ခန္ဓာကိုယ်အလေးချိန်နဲ့ ချိန်ပြီးမှ ပရိုတိန်းစားသုံးမှု လုပ်ပါ။
(၄) အိပ်ခါနီး ဇာတ်ကားကြည့်တာ
Photo: Central Penn Parent
လူအများစုအတွက် အခုပြောတဲ့ အချက်ဟာ ပုံမှန်အကျင့်တစ်ခုလို ဖြစ်နေလောက်ပါပြီ။ အိပ်ခါနီး တီဗွီကြည့်တာ ၊ ဖုန်းသုံးတာဟာ သင့်ရဲ့ အိပ်စက်မှုပုံစံကို အကြီးအကျယ် ထိခိုက်ပါတယ်။ မျက်စိကြောင်ပြီး အိပ်ရေးပျက်စေနိုင်ပါတယ်။ အကောင်းဆုံးက အိပ်ရာဝင်ခါနီး တစ်နာရီလောက်က စလို့ စာအုပ်တစ်အုပ် ဖတ်လိုက်တာက သင့်ကို အမြန်အိပ်ပျော်စေနိုင်ပါတယ်။
(၅) အကြာကြီး ထိုင်နေမိတာ
Photo: eurogroup
အလုပ်စားပွဲမှာ အချိန်အကြာကြီး ထိုင်နေမိရင် နှလုံးရောဂါနဲ့ ဆီးချိုသွေးချို ဖြစ်စေနိုင်ပါတယ်။ ခါးတွေနာ ပုခုံးတွေအောင့်ပြီး ကယ်လိုရီတွေ တက်လာနိုင်ပါတယ်။ တစ်နာရီကြာတိုင်း ၅ မိနစ်အနားပေး လမ်းလျှောက်တာ လှေကားတက်တာ လုပ်ပါ။ အဓိက အရေးကြီးတာကတော့ ဒီအတိုင်း အကြာကြီး ထိုင်နေတာထက် သွက်လက်လှုပ်ရှားပေးနေဖို့ပါပဲ။
