ဦးထုပ်ဆောင်းရတာကြိုက်တဲ့ မိန်းကလေးတိုင်းမှာ ရှိထားသင့်တဲ့ ဦးထုပ်ဒီဇိုင်း ၅ မျိုးကို ဖော်ပြပေးလိုက်ပါတယ်။ ပုံစံတူတွေကိုပဲဝယ်နေမယ့်အစား ဒီလိုမတူတဲ့ဒီဇိုင်းတွေကို ဝယ်ထားမယ်ဆိုရင် ဘယ်လိုအချိန်မျိုးမှာပဲဖြစ်ဖြစ် အသုံးဝင်စေမှာသေချာပါတယ်။
Baseball Cap
ဒီဦးထုပ်ကတော့ ဦးထုပ်ဆောင်းရတာကြိုက်တဲ့ မိန်းကလေးမှမဟုတ်ပါဘူး။ မိန်းကလေးတိုင်းမှာ ရှိထားသင့်တဲ့ ဦးထုပ်ဒီဇိုင်းဖြစ်ပါတယ်။
Bucket Hat
ဒီဦးထုပ်လေးကျတော့ နွေရာသီမှာ အရမ်းအသုံးဝင်ပါတယ်။ ကိုရီးယားမလေးတွေဆောင်းနေကျ ပုံစံမျိုးလေးလည်းဖြစ်တာကြောင့် ကိုရီးယားစတိုင်လ်ကြိုက်ရင် ဝယ်ထားသင့်ပါတယ်။ အထာကျတဲ့ဖက်ရှင်လေးတွေနဲ့ဆို အရမ်းကိုမိုက်ပါတယ်။
Berets
ဒီဦးထုပ်လေးကျတော့ ဆောင်းရာသီနဲ့ အလိုက်ဖက်ဆုံးပါပဲ။ အေးတဲ့နေရာဒေသကို ခရီးထွက်မယ်ဆိုရင်လည်း မရှိမဖြစ်လေးပါပဲ။ ဒါလည်း ကိုရီးယားစတိုင်လ်လေးဖြစ်ပါတယ်။
Straw Hat
ဒီဦးထုပ်ကတော့ ကမ်းခြေသွားတဲ့အခါမှာ မရှိမဖြစ်လိုပါတယ်။ မျက်နှာနေမလောင်အောင်၊ ဆံပင်နဲ့ဦးရေပြား မပျက်စီးအောင် ကာကွယ်ပေးပါတယ်။ ဦးထုပ်ဆောင်းရတာကြိုက်ရင် Staw Hat လေးကိုလည်း ဝယ်ထားပါ။
Beanie
Beanie ဦးထုပ်လေးတွေက များသောအားဖြင့် အေးတဲ့အချိန်တွေ၊ ဆောင်းရာသီတွေနဲ့ အလိုက်ဖက်ဆုံးပါ။ ဒါပေမယ့် အခုနောက်ပိုင်းမှာတော့ ဖက်ရှင်ကျကျဝတ်ပြီး ဓာတ်ပုံရိုက်တဲ့အခါမှာလည်း ဆောင်းလာကြတာကို တွေ့ရပါတယ်။ ဒီတော့ ဆောင်းရာသီမှမဟုတ်ပါဘူး အလှဓာတ်ပုံရိုက်တဲ့အခါမှာလည်း ဖက်ရှင်ကျစေဖို့ အထောက်အကူပြုတာကြောင့် ဦးထုပ်ဆောင်းရတာကြိုက်ရင် ဝယ်ထားသင့်ပါတယ်။
