ပျော့ပြောင်းတောက်ပြောင်တဲ့ ဆံကေသာပိုင်ဆိုင်ချင်သူတိုင်း သိထားသင့်တဲ့ ဆံသားအတွက်လိုအပ်တဲ့ ဗီတာမင်များ

နူးညံ့စိုပြေတဲ့ အသားအရေရဖို့ အစားအသောက်ဂရုစိုက်ရပါတယ်။ ပြင်ပအသားအရေကိုပဲ ဂရုစိုက်နေရုံနဲ့မလုံလောက်သေးပါဘူး။ ဆံသားလည်း ဒီလိုပါပဲ။ ဆံသားပျော့ပြောင်းဖို့ ပေါင်းဆေးတွေသုံးရပါတယ်။ ပျော့ဆေးတွေသုံးရပါတယ်။ ဒါတွေတင် မလုံလောက်သေးပါဘူး။ ဆံသားအတွက် လိုအပ်တဲ့ ဗီတာမင်ဓာတ်တွေကို ဖြည့်တင်းဖို့လည်း လိုအပ်ပါတယ်။ ပျိုမေတို့အနေနဲ့ ပျော့ပြောင်းတဲ့ ဆံသားပိုင်ဆိုင်ချင်တယ်ဆိုရင် ဆံသားအတွက်လိုအပ်တဲ့ ဗီတာမင်တွေကို သိထားသင့်ပါတယ်။

၁။ Biotin

Biotin ကဆံပင်အတွက် လိုအပ်တဲ့ နံပါတ် ၁ ဓာတ်တစ်မျိုးပါ။ Biotin ကို ဥအမျိုးမျိုး၊ ကြက်သား၊ ဆယ်လ်မွန်ငါး၊ ထောပတ်သီးနဲ့ ဗာဒံစေ့တွေကနေ ရနိုင်ပါတယ်။ Greek Yogurt ကနေလည်း ရနိုင်ပါတယ်။

၂။ ပရိုတင်း

ပရိုတင်းဓာတ်ကို ဥအမျိုးမျိုး၊ ဆယ်လ်မွန်ငါး၊ ပဲနို့နဲ့ အစေ့အဆံတွေကနေ ရနိုင်ပါတယ်။

၃။ သံဓာတ်

အနီရောင်အသား၊ ပဲအမျိုးမျိုး၊ ငါး၊ အစေ့အဆံ၊ ဟင်းနုနွယ်တို့ကနေ ရနိုင်ပါတယ်။

၄။ ဗီတာမင် စီ

ငရုတ်ပွသီး၊ စတော်ဘယ်ရီ၊ ဟင်းနုနွယ်၊ လိမ္မော်နွယ်ဝင်အသီးတွေကနေ ဗီတာမင်စီ အများအပြားရနိုင်ပါတယ်။ ဗီတာမင်စီက အသားအရေအတွက်လည်း မဖြစ်မနေလိုအပ်တဲ့ ဓာတ်တစ်မျိုးပါ။