Healthy hair ကို ရရှိစေဖို့အတွက် essential oil တွေရဲ့ ကောင်းကျိုးနဲ့ ဘယ်လိုတွေသုံးရမလဲ၊ ဘယ်လိုကောင်းကျိုးတွေ ရရှိစေမလဲဆိုတာကို ပြောပြပေးလိုက်ပါတယ်။

ခြောက်သွေ့တဲ့ဆံသားအတွက်

Lavender essential oil – ၅ စက်ကို သံလွင်ဆီ – စားပွဲတင်ဇွန်း ၁ ဇွန်းနဲ့ ရောမွှေပြီး ဦးရေပြားမှာလိမ်းပါ။ ပြီးရင်တော့ လက်ချောင်းလေးတွေနဲ့ massage လုပ် နှိပ်နယ်ပေးပါ။ ၁ နာရီလောက်ထားပြီးမှ ခေါင်းလျှော်ပေးပါ။ ဒီနည်းလမ်းကို တစ်ပတ်တစ်ခါ ပုံမှန်လုပ်ပေးရင် ဆံသားခြောက်သွေ့တာက သိသိသာသာ သက်သာလာမှာပါ။

အဆီပြန်တဲ့ဆံသားအတွက်

Pumpkin oil, almond oil, calendula oil ထဲက အဆင်ပြေရာတစ်မျိုးကို ဦးရေပြားမှာလိမ်းပြီး လက်ချောင်းလေးတွေနဲ့ ၃ မိနစ်လောက် နှိပ်နယ်ပေးပါ။ ပြီးရင်တော့ ၁ နာရီထားပြီးမှ ခေါင်းလျှော်ပါ။ ဒီနည်းလမ်းကတော့ ဆံသားအဆီပြန်တာကို သက်သာစေပါတယ်။

ဆံပင်ကျွတ်တာသက်သာစေဖို့အတွက်

Rosemary essential oil – ၅ စက်နဲ့ သံလွင်ဆီ (သို့) ကြက်ဆူဆီ – စားပွဲတင်ဇွန်း ၁ ဇွန်းကို ရောမွှေပြီး ဦးရေပြားမှာ လိမ်းပေးပါ။ ပြီးရင်တော့ နာရီအနည်းငယ် (သို့) တစ်ညထားပြီးမှ ခေါင်းလျှော်ပေးပါ။ ဒီနည်းလမ်းကတော့ ဆံပင်ကျွတ်တာကို သက်သာစေပါတယ်။

ဆံပင်သန်ပြီးအရှည်မြန်စေဖို့အတွက်

Patchouli essential oil, orange essential oil, lemon essential oil ထဲက ကိုယ်အဆင်ပြေရာတစ်မျိုးကို – ၅ စက်လောက်ယူပြီး ကြက်ဆူဆီ (သို့) သံလွင်ဆီ – စားပွဲတင်ဇွန်း ၁ ဇွန်းနဲ့ ရောမွှေပါ။ ပြီးရင် ဦးရေပြားမှာလိမ်းပြီး massage လုပ်နှိပ်နယ်ပေးပါ။ သူ့ကိုလည်း နာရီအနည်းငယ် (သို့) တစ်ညထားပြီးမှ ခေါင်းလျှော်ပေးပါ။ ဒီနည်းလမ်းကတော့ ဆံပင်သန်ပြီး အရှည်မြန်စေဖို့ ကူညီပေးပါတယ်။

ဗောက်ပျောက်စေဖို့အတွက်

Tea tree essential oil – ၁၀ စက်နဲ့ ကြက်ဆူဆီ – လက်ဖက်ရည်ဇွန်း ၁ ဇွန်းကို ရောမွှေပြီး ဦးရေပြားမှာနှံ့အောင် သေချာနှိပ်နယ်ပြီးလိမ်းပေးပါ။ အကောင်းဆုံးကတော့ တစ်ညထားပြီးမှ ခေါင်းလျှော်ပေးပါ။ ဒါဆိုရင်တော့ ဗောက်တွေကိုဖယ်ရှားပြီးသား ဖြစ်မှာပါ။ တစ်ပတ်တစ်ခါလုပ်ပေးရင် ဗောက်တွေပျောက်သွားပါလိမ့်မယ်။

ဆံပင်အဖျားနှစ်ခွဖြစ်တာနဲ့ပျက်စီးနေတာတွေအတွက်

ဆံပင်အဖျားနှစ်ခွဖြစ်တာနဲ့ ပျက်စီးနေတာတွေ သက်သာစေဖို့ Thyme essential oil – ၅ စက်နဲ့ jojoba – စားပွဲတင်ဇွန်း ၁ ဇွန်းကို ရောမွှေပြီး ဆံပင်အဖျားတွေကို သေချာရွှဲနေအောင် လိမ်းပေးပါ။ တစ်ညထားပြီးမှ ခေါင်းလျှော်ပေးပါ။ တစ်ညမထားချင်ရင် အနည်းဆုံး မိနစ် ၂၀ တော့ထားရပါမယ်။ ဒီနည်းလမ်းကို ပုံမှန်လုပ်ပေးရင် ပျက်စီးနေတာတွေ ဆံပင်နှစ်ခွဖြစ်နေတာတွေက သက်သာသွားပါလိမ့်မယ်။