အသက်အရွယ် တစ်ခုရလာတဲ့အခါ မိန်းကလေးအများစုက တည်ငြိမ်လာတတ်ကြပါတယ်။ အရင်လောက် ကလေးအတွေးတွေ မများတော့ဘဲ ပိုရင့်ကျက်လာတတ်ကြပါတယ်။ သင်က အေးအေးဆေးဆေး နေတတ်သူဆိုရင် ကျက်သရေရှိတဲ့ စတိုင်နဲ့ ပိုလိုက်ဖက်နေတတ်ပါတယ်။ မြန်မာဝတ်စုံ ဝတ်မယ်ဆိုရင်လည်း ကျက်သရေရှိရှိ ဆံပင်စတိုင်က ပံ့ပိုးပေးနေပြန်ပါတယ်။ ဒီတော့ ကျက်သရေရှိရှိ လှချင်တဲ့ သင့်အတွက် လိုက်ဖက်နိုင်မယ့် ဆံပင်ပုံစံတွေကို ဖော်ပြလိုက်ပါတယ်။
၁။ နောက်ဘက်ဆံပင်ထုံးတာ
နောက်ဘက်ကို ဆံပင်စုပြီး ဆံထုံးအောက်အချစတိုင်က ကျက်သရေရှိတဲ့ မိန်းကလေးတွေနဲ့ လိုက်ဖက်ပါတယ်။ နားကပ်ကျောက်တစ်လုံး၊ ပုလဲတစ်လုံးနဲ့ တွဲဖက်သင့်ပါတယ်။
၂။ ဆံပင်အကောက်
ဆံပင်လှိုင်းတွန့်အကြီး အကောက်က သင့်ကို ရင့်ကျက်ပြီး ဆွဲဆောင်မှု ရှိတဲ့ အမျိုးသမီး တစ်ဦး ဖြစ်စေပါလိမ့်မယ်။
၃။ ဆံပင်ကို စုစည်းတာ
ဆံပင်ကို အပေါ် အမြင့်မဟုတ်ဘဲ အောက်က ချစည်းပေးပြီး လည်ပင်းနဲ့ ဆံပင် အကပ်ထားပေးကာ နားကပ်ကျောက်တစ်လုံး စတိုင်က သင့်ကို နဂိုထက် ကျက်သရေရှိစေပါလိမ့်မယ်။
၄။ ဆံပင်ကို အပြောင်စည်းတာ
ရှေ့ဘက် ဆံပင်လုံးဝ မချဘဲ အပြောင်စည်းလိုက်တာက သင့်ကို ထက်မြက်တဲ့ အမျိုးသမီးပုံစံ ပိုင်ဆိုင်စေပါတယ်။
၅။ ဆံပင်တစ်ဝက်စည်းတာ
ဆံပင်တစ်ဝက်စည်းတာက သင့်ကို တည်ငြိမ်ရင့်ကျက်စေပါလိမ့်မယ်။ လူကြီးဆန်ဆန်နဲ့ အရာရာ နားလည်ပေးနိုင်တဲ့ မိန်းကလေးတစ်ဦး ပုံစံရအောင် ဆံပင်တစ်ဝက်စည်းက ကူညီပေးပါလိမ့်မယ်။
၆။ ဆံပင်အရောင်
ဒါကတော့ ဆံပင်စတိုင်ထက် ဆံပင်အရောင် လို့ ပြောနိုင်ပါတယ်။ ဆံပင်အရောင်ကို အမည်းထားပေးတာက မြန်မာမိန်းကလေးတွေနဲ့ လိုက်ဖက်တဲ့အပြင် သင့်ကို ပိုပြီး လူကြီးဆန်ကာ ကျက်သရေရှိစေပါလိမ့်မယ်။
Photo Source: Pinterest
By MyStyle Myanmar
