အနုပညာအလုပ်ကို စတင်လုပ်ကိုင်ချိန်မှာတော့ Idol အနေနဲ့ စခဲ့ပေမယ့်လည်း လက်ရှိအချိန်မှာ မင်းသား မင်းသမီးအဖြစ် ပြောင်းလဲရပ်တည်နေတဲ့ တောင်ကိုရီးယားအနုပညာရှင်တွေ အများကြီးရှိပါတယ်နော်။ အခုတစ်ခေါက်မှာတော့ အိုင်ဒေါတဖြစ်လဲ မင်းသမီး Bae Suzy ရဲ့ ပွဲတက်ဂါဝန် ဖက်ရှင်လေးတွေကို တင်ဆက်ပေးသွားမှာပါ။
ကေပေါ့ပရိသတ်တွေဆိုရင် မင်းသမီး Bae Suzy ရယ်လို့ဖြစ်မလာခင် JYP Entertainment လက်အောက်က Miss A ဆိုတဲ့ အဖွဲ့မှာ Suzy စပါခဲ့တာကို သေချာပေါက် သိကြမှာပါ။
အသက် ၂၉ နှစ်ရှိပြီဖြစ်တဲ့ Suzy ဟာ သရုပ်ဆောင်အလုပ်ကို ၂၀၁၁ ခုနှစ်တုန်းက အရမ်းဟော့ဖြစ်သွားခဲ့တဲ့ Dream High ဇာတ်လမ်းတွဲမှာ ခေါင်းဆောင်နေရာကနေ ပါဝင်ခဲ့ပြီး နာမည်ကြီးလာခဲ့ပါတယ်။
အဲ့ကနေမှတဆင့် Gu Family Book (2013), Uncontrollably Fond (2016), While You Were Sleeping (2017), Vagabond (2019), Start-Up (2020), Anna (2022), Doona! (2023) နဲ့ Architecture 101 (2012) စတာတွေမှာ သရုပ်ဆောင်ခဲ့ပါတယ်။
“The Nation’s First Love” လို့ နာမည်အတပ်ခံရတဲ့ Suzy ဟာ အခုချိန်မှာတော့ မင်းသမီးအဖြစ်နဲ့ အောင်မြင်စွာ ရပ်တည်နေနိုင်ပြီး ဆုပေးပွဲတွေကိုလည်း တက်ရောက်နေပါတယ်။
အခုလို ဆုပေးပွဲအကြီးတွေကို မင်းသမီးတစ်လက်အနေနဲ့ တက်ရောက်ရာမှာ သူမဝတ်ဆင်ခဲ့ဖူးတဲ့ ပွဲတက်ဂါဝန် ဖက်ရှင်တွေကို ဒီဆောင်းပါးလေးမှာ စုစည်းဖော်ပြပေးလိုက်ရပါတယ်။
Image Source: Pinterest
