ကြက်ဥမှာ ပရိုတင်းဓာတ်နဲ့ ကျန်းမာရေးနဲ့ ညီညွှတ်တဲ့ အဆီဓာတ်တွေပါဝင်ပါတယ်။ ပရိုတင်းဓာတ်ဟာ အသားအရေ စိုပြေ ဝင်းပစေဖို့ အရေးကြီးတဲ့ ဓာတ်တစ်မျိုးပါ။ ကြက်ဥအကာက အဆီပိုတွေကို ဖယ်ရှားပေးပြီး ချွေးပေါက်ပွင့်စေပါတယ်။ ကြက်ဥအနှစ်ကတော့ အသားအရေကို စိုပြေစေပြီး နေလောင်ဒဏ်ကို သက်သာစေပါတယ်။
အရေးကြောင်းသက်သာဖို့ ကြက်ဥနဲ့ ပေါင်းတင်နည်း
၁။ ကြက်ဥအကာနဲ့ ပျားရည်
ကြက်ဥအကာကိုယူလိုက်ပြီး ပျားရည် လက်ဖက်ရည်ဇွန်း ၁ ဇွန်းထည့်ကာ သေချာမွှေလိုက်ပါ။ ပြီးရင် မျက်နှာ၊ လည်ပင်းနဲ့ လက်တွေမှာလိမ်းပေးပါ။ ၁၅ မိနစ်လောက်ထားပြီး ရေအေးအေးနဲ့ မျက်နှာသစ်ချလိုက်ပါ။ အရေးကြောင်းတွေကို သက်သာစေပါတယ်။
၂။ ကွေကာအုတ်အမှုန့် နဲ့ ကြက်ဥအကာကိုလည်း ပေါင်းတင်လို့ရပါတယ်။ ကြက်ဥတစ်လုံးကနေ အနှစ်နဲ့ အကာကိုခွဲလိုက်ပြီး အကာကို အသုံးပြုပါမယ်။ ပြီးရင် ကွေကာအုတ်အမှုန့် လက်ဖက်ရည်ဇွန်း ၂ ဇွန်းထည့်လိုက်ပါ။ အဲဒီနောက် သေချာမွှေပေးပြီး မျက်နှာနဲ့ လည်ပင်းမှာလိမ်းပေးပါ။ ၂ မိနစ်လောက်ထားပြီးရင် ရေအေးအေးနဲ့ ဆေးချလိုက်ပါ။
ဝက်ခြံအတွက်
၁။ ပျားရည်၊ သံပုယိုသီးနဲ့ ကြက်ဥအနှစ်ကိုရောပြီးပေါင်းတင်ရမှာပါ။ ကြက်ဥတစ်လုံးကနေ အနှစ်နဲ့ အကာကိုခွဲလိုက်ပြီး အကာကို အသုံးပြုပါမယ်။ ပြီးရင် ပျားရည် နည်းနည်းနဲ့ သံပုယိုရည်နည်းနည်းထည့်လိုက်ပါ။ အဲဒီနောက် ဝက်ခြံရှိတဲ့နေရာတွေကို သေချာ ပွတ်လိမ်းပေးပြီးမျက်နှာ တစ်ခုလုံးကို လိမ်းပါ။ ၁၅ မိနစ်လောက်ထားပြီး ရေအေးအေးနဲ့ မျက်နှာသစ်ချပါ။
၂။ သခွားသီးနဲ့ ကြက်ဥအကာကိုလည်း ရောပြီး ပေါင်းတင်နိုင်ပါတယ်။ ကြက်ဥတစ်လုံးကနေ အနှစ်နဲ့ အကာကိုခွဲလိုက်ပြီး အကာကို အသုံးပြုပါမယ်။ ပြီးရင် သခွားသီးကို ကြိတ်စက်နဲ့ ကြိတ်လိုက်ပြီး အရည်ညှစ်ထုတ်ကာ ကြက်ဥအကာနဲ့ ရောမွှေလိုက်ပါ။ အဲဒီနောက် မျက်နှာပေါ်လိမ်းပေးပြီး မိနစ် ၃၀ လောက်ထားပါ။ပြီးရင် ရေအေးအေးနဲ့ ဆေးချပါ။ အဆီပိုတွေကို ဖယ်ရှားပေးပြီး အသားအရေကို ကြည်လင်စေပါတယ်။
