ဦးနှောက်စွမ်းရည်ပိုတိုးတက်လာစေဖို့ ကူညီပေးမယ့် ယောဂကျင့်စဉ်များ

ယောဂကျင့်ပေးတာက စိတ်ရောကိုယ်ပါ ကျန်းမာစေဖို့နဲ့ ကောင်းကျိုးတွေလည်း အများကြီးရှိပါတယ်။ ဒီတစ်ခါမှာတော့ ဦးနှောက်စွမ်းရည် ပိုတိုးတက်လာစေဖို့ ကူညီပေးမယ့် ယောဂကျင့်စဉ်တွေကို မျှဝေပေးလိုက်ပါတယ်။ ဒီယောဂကျင့်စဉ်တွေက ကလေးအရွယ်ကနေ လူကြီး အဖိုး အဖွားတွေအထိ လုပ်လို့ရတဲ့ ယောဂကျင့်စဉ်တွေ ဖြစ်စေပါတယ်။

Lotus Pose

ပုံမှာလုပ်ပြထားတဲ့ Lotus Pose အတိုင်း ၁ မိနစ်မှ ၅ မိနစ်အထိ နေပေးရမှာပါ။ ဒီယောဂကျင့်စဉ်က စိတ်ရောကိုယ်ပါ Relax ဖြစ်စေပြီး ဦးနှောင်တည်ငြိမ်စေတယ်၊ ခန္ဓာကိုယ်အနေအထားလည်း မှန်လာစေပါတယ်။

Diamond Pose

ပုံမှာလုပ်ပြထားတဲ့ Diamond Pose အနေအထားအတိုင်း ၅ မိနစ်မှ ၁၀ မိနစ်အထိ နေပေးပါ။ ဒီယောဂကျင့်စဉ်ကတော့ ဝမ်းချုပ်တာ သက်သာစေပြီး ခန္ဓာကိုယ် Relax ဖြစ်စေတယ်၊ သွေးလည်ပတ်မှု ကောင်းမွန်စေတယ်၊ ဦးနှောက်စွမ်းရည်လည်း ပိုတည်ငြိမ်ပြီး ကောင်းလာစေပါတယ်။

Half Spinal Twist Pose

ဒီယောဂကျင့်စဉ်ကတော့ ပုံမှာလုပ်ပြထားတဲ့အတိုင်း ၁ မိနစ်နေပေးပြီး အချိန်ပြည့်ရင် ဘယ်ညာပြောင်းကာ နောက်ထပ် ၁ မိနစ် ထပ်လုပ်ပေးရမှာပါ။ သွေးလည်ပတ်မှု ကောင်းမွန်စေပြီး ဦးနှောင်စွမ်းရည် ကောင်းမွန်လာစေဖို့ အထောက်အကူပြုတဲ့ ယောဂကျင့်စဉ် ဖြစ်ပါတယ်။

Seated Forward Bend

ဒီယောဂကျင့်စဉ်ကလည်း ပုံမှာလုပ်ပြထားတဲ့အတိုင်း ၁ မိနစ်နေပေးရင် ရပါပြီ။ Stress နဲ့ Depression အပျော့စားလေးတွေကို လျော့ချပေးနိုင်ပြီး ခေါင်းကိုက်တာ သက်သာစေတယ်၊ စိတ်တည်ငြိမ်စေပါတယ်။ ဒါကြောင့် ဦးနှောက်ကျန်းမာရေးအတွက်လည်း အထောက်အကူပြုပါတယ်။

Headstand

ဒီယောဂကျင့်စဉ်ကျတော့ ယောဂကျင့်နေကျဖြစ်တဲ့သူ ဒီ Headstand Pose ကိုလည်း သေချာလုပ်နိုင်နေပြီးသား ဖြစ်တဲ့သူကလွဲလို့ ကျန်တဲ့သူတွေကတော့ မလုပ်သင့်ပါဘူး။ ပုံမှာလုပ်ပြထားတဲ့အတိုင်း ၁ မိနစ်မှ ၅ မိနစ်အထိ နေပေးရင်ရပါပြီ။ စိတ်တည်ငြိမ်ပြီး ဦးနှောက်စွမ်းရည် တိုးတက်လာစေဖို့ အထောက်အကူပြုပါတယ်။