ဆံပင်ကျွတ်တာက သေချာ Treatment မလုပ်ရင် ဆံပင်တွေပါးပြီး ပြောင်လာတဲ့အထိ ဖြစ်သွားနိုင်ပါတယ်။ ဒါကြောင့် ဆံပင်ကျွတ်တယ်ဆိုရင် သေချာ Hair Care တွေလုပ်ပေးပါ။ အိမ်မှာပဲလုပ်လို့ရတဲ့ သဘာဝနည်းလမ်းတွေလည်း အများကြီးရှိပါတယ်။ ဒါကြောင့် ဆံပင်ကျွတ်တာကို ကုသပေးနိုင်မယ့် အကောင်းဆုံး Hair Mask ပြုလုပ်နည်းတွေကို မျှဝေပေးလိုက်ပါတယ်။
နည်းလမ်း ၁
ပထမနည်းလမ်းကတော့ ကြက်ဥ – ၁ လုံးကို နွားနို့ – ၁ ခွက်၊ သံပယိုရည် – စားပွဲတင်ဇွန်း ၁ ဇွန်း၊ သံလွင်ဆီ – စားပွဲတင်ဇွန်း ၁ ဇွန်းတို့နဲ့ ရောမွှေပြီး ဆံပင်နဲ့ ဦးရေပြားအနှံ့ သေချာလိမ်းပေးပါ။ ပြီးရင် မိနစ်၂၀ ထားပြီးမှ ခေါင်းလျှော်လိုက်ရုံပါပဲ။ တစ်ပတ်တစ်ကြိမ် ခေါင်းလျှော်မယ့်နေ့တိုင်းမှာ လုပ်ပေးသွားမယ်ဆိုရင် ဆံပင်ကျွတ်တာတွေ သက်သာလာမှာပါ။
နည်းလမ်း ၂
ငှက်ပျောသီးအမှည့် ၂ လုံးကိုချေပြီး သံလွင်ဆီ – စားပွဲတင်ဇွန်း ၁ ဇွန်းနဲ့ အုန်းဆီ – စားပွဲတင်ဇွန်း ၁ ဇွန်း၊ ပျားရည် – စားပွဲတင်ဇွန်း ၁ ဇွန်းတို့နဲ့ ရောမွှေပြီး ဦးရေပြားနဲ့ဆံသားအနှံ့ကို လိမ်းပေးပါ။ ပြီးရင် ၅ မိနစ်ပဲထားပြီး ရေကြက်သီးနွေးနဲ့ ခေါင်းလျှော်ပေးရမှာပဲ ဖြစ်ပါတယ်။
နည်းလမ်း ၃
ဒိန်ချဉ် – ၁ ခွက်၊ ပန်းသီးရှာလကာရည် – စားပွဲတင်ဇွန်း ၁ ဇွန်း၊ ပျားရည် – စားပွဲတင်ဇွန်း ၁ ဇွန်းတို့ကို ရောမွှေပြီး ဆံပင်အရင်းကနေ အဖျားအထိ သေချာလိမ်းပေးပါ။ ပြီးရင် ၁၅ မိနစ်ထားပြီး ခေါင်းလျှော်ပေးရင် ရပါပြီ။
နည်းလမ်း ၄
ထောပတ်သီးအမှည့် အသေး ၁ လုံးကို နွားနို့ – ခွက်တစ်ဝက်စာ၊ သံလွင်ဆီ – စားပွဲတင်ဇွန်း ၁ ဇွန်း၊ Almond Oil – စားပွဲတင်ဇွန်း ၁ ဇွန်းတို့နဲ့ ရောမွှေပြီး ဆံသားအရင်းကနေ အဖျားအထိ သေချာလိမ်းပေးပါ။ ၁၅ မိနစ်လောက်ထားပြီးမှ ခေါင်းလျှော်ပေးပါ။
နည်းလမ်း ၅
Vitamin E Capsule – ၂ လုံးကိုဖောက်ပြီး Almond Oil – စားပွဲတင်ဇွန်း ၁ ဇွန်း၊ အုန်းဆီ – စားပွဲတင်ဇွန်း ၁ ဇွန်း၊ ကြက်ဆူဆီ – စားပွဲတင်ဇွန်း ၁ ဇွန်း၊ Lavender Essential Oil – အနည်းငယ်တို့ကို ရောထည့်ပြီး မွှေပေးပါ။ ပြီးရင် ဆံသားအနှံ့သေချာလိမ်းပေးပြီး တစ်ညထားပါ။ နောက်နေ့မှ ခေါင်းသေချာလျှော်လိုက်ပါ။
