အသားအရေကြည်လင်ဝင်းပစေဖို့၊ နေလောင်ထားတာတွေ၊ အသားအရောင်မညီတာ၊ အသားအရေညစ်ပြီးမဲနေတာတွေအတွက် ထိရောက်မှုရှိတဲ့ De-tan Face Mask တွေနဲ့ ပြုလုပ်နည်းတွေကို မျှဝေပေးလိုက်ပါတယ်။ ကိုယ်အဆင်ပြေတဲ့ De-tan Face Mask ကို ရွေးချယ်ပြုလုပ်နိုင်ပါတယ်။
De-tan Face Mask 1
ပန်းကန်လုံးထဲကို နနွင်းမှုန့် – စားပွဲတင်ဇွန်း 1 ဇွန်း၊ ပျားရည် – စားပွဲတင်ဇွန်း 1 ဇွန်းထည့်ပြီး သံပယိုရည် နည်းနည်းညှစ်ထည့်ပါ။ ပြီးရင် မွှေပြီးတော့ မျက်နှာကိုလိမ်းထားလိုက်ပါ။ ပြီးရင်တော့ 15 မိနစ်ထားပြီးမှ ရေကြက်သီးနွေးနဲ့ မျက်နှာသစ်လိုက်ပါ။
De-tan Face Mask 2
လိမ္မော်သီးတစ်လုံးကို အရည်ရအောင်ညှစ်ချပြီး ပန်းကန်လုံးထဲထည့်ပါ။ ပြီးရင် ပျားရည် – စားပွဲတင်ဇွန်း 1 ဇွန်းနဲ့ ဒိန်ချဉ် – စားပွဲတင်ဇွန်း 1 ဇွန်းထည့်ပြီး မွှေလိုက်ပါ။ ပြီးရင်တော့ မျက်နှာမှာလိမ်းပြီး မိနစ် 20 ထားပါ။ အချိန်ပြည့်မှသာ ရိုးရိုးရေနဲ့ မျက်နှာသစ်လိုက်ပါ။
De-tan Face Mask 3
အာလူးတစ်လုံးကို အခွံနွှာပြီး ခြစ်ချပါ။ ပြီးရင် ခြစ်ထားတဲ့အာလူးတွေကို အဝတ်အသန့်တစ်ခုထဲထည့်ပြီး အရည်ရအောင်ညှစ်ချပါ။ ပြီးရင် သံပယိုရည်နည်းနည်းနဲ့ ရောမွှေပါ။ ပြီးရင်တော့ မျက်နှာကိုလိမ်းပြီး လက်ချောင်းလေးတွေနဲ့ massage လုပ်နှိပ်နယ်ပေးပါ။ 15 မိနစ်လောက်ထားပြီးမှသာ ရေအေးနဲ့ မျက်နှာသစ်ပေးပါ။
De-tan Face Mask 4
သင်္ဘောသီးအမှည့်ကို စားပွဲတင်ဇွန်း 1 ဇွန်းစာ ခြစ်ယူပြီး ပန်းကန်ထဲထည့်ချေပေးပါ။ ပြီးရင် ပျားရည် – စားပွဲတင်ဇွန်း 1 ဇွန်းနဲ့ သံပယိုရည် – စားပွဲတင်ဇွန်း 1 ဇွန်းထည့်မွှေလိုက်ပါ။ ပျစ်ပျစ်လေးဖြစ်သွားရင် မျက်နှာမှာလိမ်းပြီး 15 မိနစ်ထားပါ။ အချိန်ပြည့်မှ ရေအေးနဲ့ မျက်နှာသစ်ပေးပါ။
De-tan Face Mask 5
ရှားစောင်းလက်ပတ်ဂျယ်လ်ကို စားပွဲတင်ဇွန်း 3 ဇွန်းစာခြစ်ယူပြီး ပန်းကန်ထဲထည့်ပါ။ ပျားရည် – စားပွဲတင်ဇွန်း 2 ဇွန်းနဲ့ နနွင်းမှုန့် – လက်ဖက်ရည်ဇွန်း 1 ဇွန်းကိုလည့် ထည့်မွှေပေးပါ။ သမအောင်သေချာမွှေပြီးရင်တော့ မျက်နှာမှာလိမ်းပြီး 15 မိနစ်ထားပါ။ အချိန်ပြည့်ရင်တော့ မျက်နှာသစ်လိုက်ရုံပါပဲ။
