တစ်ခါတစ်လေကျရင် အလုပ်လုပ်ရတာ စိတ်မပါတာမျိုး၊ စိတ်ရှုပ်ပြီး စိတ်တိုတာမျိုးတွေ ဖြစ်ဖူးကြမှာပါ။ ဒီလိုတွေ ဖြစ်လာရင် အလုပ်လည်းမပြီး စိတ်လည်းမကြည်တော့ အဆင်မပြေပါဘူး။ ဒါကြောင့် အလုပ်လုပ်တဲ့အခါမှာ တက်ကြွလန်းဆန်းနေစေဖို့ လုပ်ဆောင်ရမယ့်အချက်တွေကို ပြောပြပေးလိုက်ပါတယ်။

ညဘက်စောစောအိပ်ပြီးစောစောထပါ

ညဘက်နောက်ကျမှအိပ်ရင် မနက်အိပ်ယာထနောက်ကျမယ်။ အိပ်ယာထနောက်ကျရင် အကုန်နောက်ကျမှာဖြစ်တဲ့အတွက် အဆင်မပြေတာတွေများမယ်။ ဒါကြောင့် ညဘက်စောစောအိပ်ပြီး စောစောထတဲ့အကျင့်လေး လုပ်ထားပါ။

မနက်လုပ်ရမှာတွေကိုညထဲက ပြင်ဆင်ထားပါ

မနက်ကျရင်လုပ်ရမှာတွေ ဥပမာ – မနက်ဝတ်ဖို့အင်္ကျီရှာတာစသဖြင့်ပေါ့။ လုပ်စရာရှိတာတွေကို မနက်ရောက်မှ ပြင်ဆင်မယ်ဆိုရင် အချိန်တွေနောက်ကျပါတယ်။ ဒါကြောင့် ညထဲကပြင်ဆင်ထားမယ်ဆိုရင် မနက်ကျ Ready ဖြစ်နေတာပေါ့။

မနက်စာသေချာစားသွားပါ

မနက်စာမစားရင် ဗိုက်ဆာပြီး ခေါင်းမကြည်တာ၊ စိတ်မကြည်တာမျိုးတွေ ဖြစ်လာနိုင်ပါတယ်။ ကျန်းမာရေးအတွက်လည်း မနက်စာကို အာဟာရရှိတာစားဖို့က အရေးကြီးပါတယ်။ အလုပ်လုပ်တဲ့သူတွေအတွက်ဆို ပိုတောင်လိုအပ်ပါသေးတယ်။ ဒါကြောင့် မနက်စာသေချာစားသွားပါ။

စိတ်ညစ်စရာတွေအလုပ်ကိုသယ်မလာပါနဲ့

စိတ်ညစ်စရာတွေ၊ စိတ်ရှုပ်စရာတွေကို တစ်ချိန်လုံးတွေးမနေပါနဲ့။ အလုပ်ကိုလည်း သယ်မလာပါနဲ့။ အလုပ်အထိ ဒါတွေကိုသယ်လာမယ်ဆိုရင် အလုပ်မှာ စိတ်ပါဝင်စားမှုမရှိတော့တဲ့အပြင် အလုပ်လုပ်ချင်စိတ်ပါမရှိတော့ပါဘူး။ ဒီလိုဆိုရင် အခြားကြောင့် စိတ်ညစ်ရတာတစ်မျိုး၊ အလုပ်ကြောင့် စိတ်ညစ်ရတာပါ ပိုတိုးလာပါလိမ့်မယ်။ ဒါကြောင့် စိတ်ညစ်စရာတွေ အလုပ်ကိုသယ်မလာပါနဲ့။

Photo Source: www.freepik.com