သခွားသီးကို သုံးပြီး အသားအရေ ထိန်းသိမ်းနည်း (၇) မျိုး

သခွားသီးက အေးမြပြီး အစိုဓာတ် အပြည့်ပါတဲ့ အသီးတစ်မျိုး ဖြစ်ပါတယ်။ သခွားသီးက ခန္ဓာကိုယ် ကျန်းမာရေးအတွက်ကော အသားအရေ ကျန်းမာရေးအတွက်ပါ အထောက်အကူ ပြုနိုင်ပါတယ်။ ဒီထဲမှာတော့ သခွားသီးနဲ့ အသားအရေကို ဘယ်လို Skincare လုပ်နိုင်မလဲ ပြောပြထားပါတယ်။ ပျိုမေတို့အနေနဲ့လည်း သခွားသီးကို ဈေးထဲ အလွယ်တကူ ပြေးဝယ်နိုင်တာမို့ အသုံးဝင်မှာပါ။ ဒီတော့ ကြည့်လိုက်ရအောင်နော်-

၁။ သခွားသီးနဲ့ ရှားစောင်းလတ်ပတ်

ကျိတ်ထားတဲ့ သခွားသီးနဲ့ ရှားစောင်းလတ်ပတ်ကို ရောမွှေပေးရပါမယ်။ ဒီအရောကို သင့်မျက်နှာနဲ့ လည်ပင်းပေါ် လိမ်းပေးရပါမယ်။ ၁၅ မိနစ် ထားပြီးနောက် ရေဆေးချရပါမယ်။ ဒီနည်းလမ်းက သင့်အသားအရေကို ပြန်လည် စိုပြေစေပြီး Glow စေပါလိမ့်မယ်။

၂။ သခွားသီးနဲ့ ဒိန်ချဉ်

သခွားသီးကို အနှစ်ရအောင် ကျိတ်ပေးရပါမယ်။ ပြီးနောက် ဒိန်ချဉ်နဲ့ အနှစ်ရအောင် ရောမွှေရပါမယ်။ မျက်နှာပေါ် ၁၅ မိနစ် ထားပြီးနောက် မျက်နှာသစ်နိုင်ပါပြီ။ ဒီနည်းလမ်းက အဆီပြန်ပြီး ဝက်ခြံဖြစ်တတ်တဲ့ ပျိုမေတို့နဲ့ သင့်တော်ပါတယ်။

၃။ သခွားသီးနဲ့ ခရမ်းချဉ်သီး

သခွားသီးနဲ့ ခရမ်းချဉ်သီးကို လှီးကာ Blender နဲ့ ကျိတ်ပေးရပါမယ်။ ရလာတဲ့ အနှစ်ကို သင့်မျက်နှာပေါ် လိမ်းပြီး ၁ မိနစ်လောက် စက်ဝိုင်းပုံစံ ပွတ်လိမ်းပေးရပါမယ်။ ၁၅ မိနစ်ထားပေးရပါမယ်။ ဒီနည်းလမ်းကတော့ အသားအရေကို စိုပြေလင်းလက်စေပါတယ်။

၄။ သခွားသီးနဲ့ အာလူး

သခွားသီးနဲ့ အာလူးအနှစ်ကို ရောမွှေပေးရပါမယ်။ ပြီးနောက် ဝါဂွမ်းစနဲ့ ဒီအရောကို ယူကာ မျက်နှာပေါ် ပွတ်ပေးရပါမယ်။ ၁၀ မိနစ် ကနေ ၁၅ မိနစ် ထားပြီးနောက် ရေဆေးပေးရပါမယ်။ ဒီ ပေါင်းတင်နည်းက မျက်နှာနေလောင်တာကို သက်သာစေပြီး အသားအရေ ညီညာစေပါတယ်။

၅။ သခွားသီးနဲ့ သံပယိုရည်

သခွားသီးနဲ့ သံပယိုရည်ကို ရောကာ ဝါဂွမ်းစနဲ့ မျက်နှာပေါ် ပွတ်လိမ်းပေးရပါမယ်။ ၁၅ မိနစ်ထားပြီးနောက် ရေအေးနဲ့ ဆေးချပေးရပါမယ်။ ဒီနည်းလမ်းကတော့ အသားအရေ အဆီပြန်ခြင်းကို သက်သာစေပါလိမ့်မယ်။

၆။ သခွားသီးနဲ့ ပူဆီနံ

သခွားသီးနဲ့ ပူဆီနံကို ကျိတ်ပေးရပါမယ်။ ကျိတ်ပြီးနောက် နှစ်မျိုးကို ရောမွှေကာ မျက်နှာပေါ် လိမ်းပေးရပါမယ်။ ၁၅ မိနစ် ထားရပါမယ်။ ဒီသခွားသီး ပူဆီနံက မျက်နှာကို Glow စေပါတယ်။

၇။ သခွားသီးနဲ့ နွားနို့