အသုပ် သုပ်ရာမှာ အများဆုံးအသုံးပြုလေ့ရှိတဲ့ သခွားသီးက မျက်နှာအသားအရေကို အေးမြစေဖို့အတွက် ကူညီပေးတာကြောင့် နွေရာသီးမှာ အသုံးပြုသင့်တဲ့ သစ်သီးတစ်မျိုးပဲဖြစ်ပါတယ်။ သခွားသီးက ဈေးသက်သာပြီး ဝယ်ယူရလွယ်ကူတဲ့အပြင် အသားအရေအတွက်လည်း ကောင်းကျိုးအများအပြား ဆောင်ကျဉ်းပေးနိုင်ပါတယ်။

နွေရာသီမှာ အသားအရေလေး အေးမြပြီး ကြည်လင်ဝင်းပချင်သူများအတွက် သခွားသီးဖြင့် ပေါင်းတင်နည်းများကို ဝေမျှပေးလိုက်ရပါတယ်။

သခွားသီးနှင့် ရှားစောင်းလက်ပတ် ပေါင်းတင်နည်း

ရှားစောင်းလက်ပတ် ဂျယ်လ် (သို့) အရည် စားပွဲတင်ဇွန်း ၁ ဇွန်းကို သခွားသီး တစ်လုံးရဲ့ ၄ ပုံ ၁ ပုံဖြင့် ရောနှောလိုက်ပါ။ သခွားသီးနဲ့ ရှားစောင်းလက်ပတ်ကို မရောနှောခင်မှာ အရင်ဦးဆုံး သခွားသီးကို ချေမွပေးလိုက်ပါ။

ရရှိလာတဲ့အရောအနှောကို မျက်နှာနှင့် လည်ပင်းအနှံ့ သုတ်လိမ်းပေးလိုက်ပါ။ ၁၅ မိနစ်ခန့်ကြာမှ ရေနွေးနေဒွီးဖြင့် ဆေးကြောလိုက်ပါ။ တစ်ပတ်နှစ်ကြိမ်ခန့် ပေါင်းတင်ပေးပါက အသားအရေးလေး ကြည်လင်ပြီး Glow လာပါလိမ့်မယ်။

ခရမ်းချဉ်သီးနှင့် သခွားသီး ပေါင်းတင်နည်း

သခွားသီး တစ်လုံး၏ ၄ ပုံ ၁ ပုံကို ခရမ်းချဉ်သီးမှည့်တစ်ခြမ်းဖြင့် ရောနှောကာ ဖျော်စက်ထဲ ထည့်ဖျော်လိုက်ပါ။ ရရှိလာတဲ့အနှစ်ကို မျက်နှာနှင့် လည်ပင်းအနှံ့ သုတ်လိမ်းပြီး တစ်မိနစ် (သို့) နှစ်မိနစ်ခန့် စက်ဝိုင်းပုံသဏ္ဍာန် နှပ်နယ်ပေးပါ။

၁၅ မိနစ်ကြာမှ ရေအေးအေးဖြင့် မျက်နှာသစ်ပေးလိုက်ပါ။ ဒီပေါင်းတင်နည်းကတော့ အသားအရေကို ကြည်လင်ဝင်းပစေပါတယ်။

သခွားသီးနှင့် အာလူးပေါင်းတင်နည်း

သခွားသီးအရည် စားပွဲတင်ဇွန်း ၁ ဇွန်းနှင့် အာလူးအရည် စားပွဲတင်ဇွန်း ၁ ဇွန်းတို့ကို သမအောင် ရောမွှေလိုက်ပါ။ ထို့နောက် ဝါဂွမ်းစကို ထိုအရည်ထဲ ထည့်နှစ်ကာ မျက်နှာအနှံ့ သုတ်လိမ်းပေးလိုက်ပါ။

၁၀ မိနစ်၊ ၁၅ မိနစ်ခန့်ကြာမှ မျက်နှာသစ်ပေးလိုက်ပါ။ ဒီပေါင်းတင်နည်းကတော့ အမဲစက်များကို ဖယ်ရှားပေးပြီး အသားအရေ ညီညာအောင် ကူညီပေးပါလိမ့်မယ်။

Source: Stylecraze.com