ကွန်ပြူတာနဲ့ အလုပ်လုပ်ရတဲ့သူတွေအတွက် အညောင်းမိတာမျိုးမဖြစ်အောင်လုပ်သင့်တဲ့ လွယ်ကူသောလေ့ကျင့်ခန်းတွေကို မျှဝေပေးလိုက်ပါတယ်။ အကုန်မလုပ်နိုင်ရင်တောင်မှ ဒီထဲက ၅ မျိုးလောက် လုပ်ပေးရင်ပဲ ကျန်းမာရေးအတွက် အရမ်းကောင်းနေပါပြီ။
ခုံမှာထိုင်ပြီး ပုံမှာလုပ်ပြထားတဲ့ အနေအထား ၂ မျိုးကို ဆက်တိုက်လုပ်ရမှာပါ။ ၂ မျိုးလုံးလုပ်ပြီးမှ ၁ ကြိမ်လို့သတ်မှတ်ပြီး စုစုပေါင်း အကြိမ် ၃၀ လုပ်ရပါမယ်။
ခုံမှာထိုင်ပြီး ဘယ်ခြေထောက်ကို အပေါ်မြှောက်ပြီးကွေး၊ ညာခြေထောက်ကိုဆန့်၊ ညာခြေထောက်ကို အပေါ်မြှောက်ပြီးကွေး၊ ဘယ်ခြေထောက်ကိုဆန့်နဲ့ ပုံမှာလုပ်ပြထားသလို ဘယ်ညာတစ်လှည့်စီ လုပ်ပေးရမှာပါ။ လက်အနေအထားကိုပါ လိုက်ပြောင်းပြီး လုပ်သွားပေးပါ။ ဘယ် ၁၅ ကြိမ်၊ ညာ ၁၅ ကြိမ်လုပ်ပေးရင် ရပါတယ်။
ခုံကိုအနောက်မှာထားပြီး လက်တင်ပါ။ ပြီးရင် ပုံထဲကအတိုင်းနေပြီး လက်ကိုဆန့်ပြီး ခန္ဓာကိုယ်က အပေါ်တက်သွားလိုက်၊ ပုံထဲကအတိုင်း ပြန်နေလိုက်နဲ့ အကြိမ် ၃၀ လုပ်ပေးပါ။
ခုံမှာထိုင်ပြီး ခြေဖနောင့်ကို ၄၀ ဒီဂရီမြှောက်လိုက်၊ ပြန်ချလိုက်နဲ့ အကြိမ် ၂၀ လုပ်ပေးပါ။ ပြီးရင် ခြေချောင်းထိပ်လေးတွေကို ၂၀ ဒီဂရီမြှောက်လိုက် ပြန်ချလိုက်နဲ့ အကြိမ် ၂၀ လုပ်ပေးပါ။
ခုံအစပ်လေးမှာထိုင်ပြီးတော့ လက်နှစ်ဖက်နဲ့ ခုံဘေးကို သေချာကိုင်ထားပါ။ ပြီးရင် ခြေထောက်ကိုအရှေ့ဆန့်ထုတ်လိုက် ဒူးပြန်ကွေးလိုက်နဲ့ အကြိမ် ၃၀ လုပ်ပေးပါ။
လှေကားတက်တာကိုလည်း လေ့ကျင့်ခန်းတစ်ခုအနေနဲ့ လုပ်ပေးနိုင်ပါတယ်။ အထိုင်များတဲ့သူတွေအတွက် အရမ်းအသုံးဝင်တဲ့ လေ့ကျင့်ခန်းပါ။
ပုံမှာလုပ်ပြထားတဲ့အတိုင်း လက်နှစ်ဖက်ကို မျက်နှာရှေ့မှာစုလိုက်၊ ဘေးကို ပြန်ကားလိုက်နဲ့ လုပ်ပေးရမှာပါ။ ဒါလည်း အကြိမ် ၃၀ လုပ်ရမှာပါပဲ။ ကွန်ပြူတာအမြဲသုံးနေရတဲ့သူတွေအတွက် လက်ညောင်းတာ၊ ပခုံးနာတာ သက်သာစေမယ့် လေ့ကျင့်ခန်းဖြစ်ပါတယ်။
လမ်းလျှောက်တဲ့စက်နဲ့လမ်းလျှောက်တာ၊ ပြေးတဲ့စက်နဲ့ ပြေးတာမျိုးတွေကလည်း အမြဲထိုင်ပြီး အလုပ်လုပ်နေရတဲ့သူတွေ၊ ကွန်ပြူတာသမားတွေအတွက် အထူးသင့်တော်တဲ့ လေ့ကျင့်ခန်းတစ်ခုပဲ ဖြစ်ပါတယ်။
