လက်သည်းပုံဖော်ရတာဝါသနာပါတဲ့ပျိုမေတို့အတွက် ချစ်စရာကောင်းပြီး ပုံဖော်ရတာလွယ်တဲ့ Emoji လက်သည်းဒီဇိုင်း ပုံဖော်နည်းကို မျှဝေပေးလိုက်ပါတယ်။
ပထမဆုံးအနေနဲ့ လက်သည်းကို Base Coat ဆိုးပါ။ လက်သည်းနီအရောင်ကိုတော့ ကိုယ်ကြိုက်တဲ့အရောင်ဆိုးပါ။ အရောင်တူဆိုလည်းရသလို အရောင်မတူအောင် ဆိုးလည်းရပါတယ်။ အရောင်နုလေးတွေဆိုရင်တော့ ပိုလှပါတယ်။
လက်သန်းမှာ လက်သည်းနီအမဲနဲ့ မျက်လုံးပုံစံ အစက်လေး ၂ စက်ချပါ။ မျက်တောင်ပုံလေး တစ်ချက်ဆွဲလိုက်ပါ။ စုတ်တံလေးနဲ့ ရယ်နေတဲ့ပုံလေးဆွဲပါ။ မိတ်ကပ်ရောင် (သို့) လိမ္မော်ရောင် (သို့) ပန်းရောင် လက်သည်းနီနဲ့ ပါးနီပုံစံ အစက်လေး ၂ စက်ချပါ။ မျက်လုံးမှာ အဖြူစက်လေး သေးသေးလေးထည့်ပေးပါ။
လက်သန်းကြွယ်မှာ လက်သည်းနီအမဲကို စုတ်တံနဲ့ယူပြီး မျက်လုံးမှိတ်ထားသလို အချွန်လေး ၂ ခုဆွဲပါ။ ပြုံးနေတဲ့ပုံလေးဆွဲပါ။ Smile လေးရဲ့ ဘေးနှစ်ဖက်မှာလည်း မိတ်ကပ်ရောင် (သို့) လိမ္မော်ရောင် (သို့) ပန်းရောင် လက်သည်းနီနဲ့ ပါးနီပုံစံ အစက်လေး ၂ စက်ချပါ။
လက်ခလယ်မှာ လက်သည်းနီအမဲနဲ့ မျက်လုံးပုံ အစက်လေး ၂ စက်ချပါ။ ပြုံးနေတဲ့ပုံလေးကို ပစောက်ပုံစံခွက်ခွက်လေး ဆွဲပါ။
ဘေးနှစ်ဖက်မှာ မိတ်ကပ်ရောင် (သို့) လိမ္မော်ရောင် (သို့) ပန်းရောင် လက်သည်းနီနဲ့ ပါးနီပုံစံ အစက်လေး ၂ စက်ချပါ။ မျက်လုံးထဲမှာ အဖြူရောင် အစက်သေးသေးလေး ထည့်ပါ။
လက်ညှိုးမှာ လက်သည်းနီအမဲနဲ့ အစက်လေးတစ်စက်ချပြီး မျက်လုံးမှိတ်ထားသလို အချွန်လေးတစ်ခု ဆွဲပါ။ ပါးစပ်ကိုတော့ အဝိုင်းလေးဆွဲပါ။ ဘေးနှစ်ဖက်မှာ မိတ်ကပ်ရောင် (သို့) လိမ္မော်ရောင် (သို့) ပန်းရောင် လက်သည်းနီနဲ့ ပါးနီပုံစံ အစက်လေး ၂ စက်ချပါ။ မျက်လုံးအဝိုင်းလေးထဲမှာ အဖြူစက်လေးတစ်စက်ထည့်ပါ။
လက်မမှာတော့ ဒီပုံလေးတွေထဲကနေ သင်ကြိုက်တဲ့ပုံတစ်ခု ပုံဖော်လိုက်ပါ။ အားလုံးပြီးသွားရင် top coat ထပ်ဆိုးပေးပါ။
ဒါဆိုရင်တော့ ချစ်စရာကောင်းတဲ့ Emoji လက်သည်းဒီဇိုင်းလေး ရသွားပါပြီ။
Source: www.cutepolish
