ဝိတ်မတက်ဖို့ ခန္ဓာကိုယ် ထိန်းချင်သူတို့အတွက် အိမ်မှာ အလွယ်တကူ ပြုလုပ်နိုင်တဲ့ လေ့ကျင့်ခန်းများ

လေ့ကျင့်ခန်းပုံမှန်ပြုလုပ်ခြင်းကြောင့် ကောင်းကျိုးအမြောက်အမြား ရရှိနိုင်ပါတယ်။ ကိုယ်ခံစွမ်းအားကောင်းမွန်ခြင်း၊ သွေးတိုးရောဂါ၊ ဆီးချိုရောဂါ၊ နှလုံးရောဂါများ ခံစားရခြင်းမှ ကာကွယ်ပေးခြင်း စတဲ့ အကျိုးကျေးဇူးများအပြင် အာရုံစူးစိုက်နိုင်စွမ်းကိုလည်း တိုးမြှင့်ပေးပါတယ်။

သင့်အနေနဲ့ ဝိတ်မတက်ဖို့ ခန္ဓာကိုယ် ထိန်းချင်တယ်ဆိုရင်တော့ လေ့ကျင့်ခန်း မှန်မှန်ပြုလုပ်ပေးဖို့ လိုအပ်ပါတယ်။ အခုဖော်ပြပေးမယ့် လေ့ကျင့်ခန်းများကတော့ မိမိအိမ်မှာ အလွယ်တကူ ပြုလုပ်နိုင်တဲ့ လေ့ကျင့်ခန်းများပဲဖြစ်ပါတယ်။

Jumping Jacks

ပထမပုံက အနေအထားအတိုင်း အသင့်ပြင်ထားပါ။ ထို့နောက် ခြေထောက်နှစ်ဖက်ကို ဘေးဘက်သို့ ကားလိုက်တဲ့အချိန်မှာ လက်နှစ်ဖက်ကို ခေါင်းပေါ်မှာ ထိကပ်ပေးလိုက်ပါ။ ထို့နောက် မူလအနေအထားပြန်နေပါ။ ခြေထောက်ကားလိုက် ပြန်စုလိုက်ဖြင့် တစ်လှည့်စီပြုလုပ်ပေးပါ။

Plank

ပုံပါအနေအထားအတိုင်း စက္ကန့် ၃၀ ခန့် တောင့်ထားပေးပါ။ တဖြည်းဖြည်းကျွမ်းကျင်လာတဲ့အခါ တစ်မိနစ်အထိ တိုးလုပ်ပေးပါ။

Cross Crunches

အရင်ဦးဆုံး ကြမ်းပြင်ပေါ်မှာ လှဲလျောင်းနေပါ။ လက်နှစ်ဖက်က ဦးခေါင်းဖြင့် လျော့တိလျော့ရဲထိကပ်ထားပါ။ ထို့နောက် ခန္ဓာကိုယ်အပေါ်ပိုင်းကို ကြွလိုက်ပါ။ တစ်ချိန်တည်းမှာပဲ ညာဒူးနှင့် ဘယ်ဘက်တံတောင်ကို ထိကပ်ပေးလိုက်ပါ။ မူလအနေအထားအတိုင်း ပြန်နေပါ။ တစ်ဖန် ဘယ်ဒူးနှင့် ညာတံတောင်ကို ထိကပ်ပေးလိုက်ပါ။ ဘယ်ညာ တစ်လှည့်စီပြုလုပ်ရပါမယ်။

Side Plank

ထိုအနေအထားအတိုင်း စက္ကန့် ၃၀ ခန့် တောင့်ထားပေးပါ။ တဖြည်းဖြည်းကျွမ်းကျင်လာတဲ့အခါ တစ်မိနစ်အထိ တိုးလုပ်ပေးပါ။ ဘယ်ညာ တစ်လှည့်စီ ပြုလုပ်ပေးရပါမယ်။

Squats

ခြေထောက်နှစ်ဖက်ကို ပုခုံးအကျယ်ထက် ပိုချဲထားလိုက်ပါ။ ထို့နောက် တင်ပါးနောက်ပစ်ပြီး ထိုင် ထ ပြုလုပ်ပါ။ အခုမှ Squats ထိုင်မယ့်သူများအနေနဲ့ ၂၅ ကြိမ်အထိ ပြုလုပ်သင့်ပါတယ်။ ရက်တဖြည်းဖြည်းကြာတဲ့အခါ အကြိမ်ရေ တိုးပေးလိုက်ပါ။

High Knees

အသင့်အနေအထားအဖြစ် မတ်တပ်ရပ်ပြီး ခြေထောက်နှစ်ဖက်ကို အနည်းငယ်ချဲထားပါ။ ထို့နောက် ညာဒူးကို ရင်ဘက်ဆီသို့ ဆွဲတင်လိုက်ပါ။ ထို့နောက် ညာဒူးကို ဆွဲမလိုက်ပါ။ ဘယ်ညာတစ်လှည့်စီ ခပ်သွက်သွက်လေး လုပ်ပေးရပါမယ်။

Plank နဲ့ Side Plank လေ့ကျင့်ခန်းနှစ်မျိုးကလွဲရင် ကျန်လေ့ကျင့်ခန်းများကို အကြိမ် ၂၀၊ ၃ ခါစီ ပြုလုပ်ပေးရပါမယ်။