ဆံပင်သန်ဖို့ကြက်သွန်နီနဲ့ပေါင်းတင်နိုင်မယ့်နည်းလမ်း ၂ မျိုး

ဆံပင်ပါးတဲ့သူတွေနဲ့ ဆံပင်သန်ချင်တဲ့သူတွေအတွက် ကြက်သွန်နီကိုသုံးပြီး ဆံပင်ပေါင်းတင်နိုင်မယ့် နည်းလမ်းကို မျှဝေပေးလိုက်ပါတယ်။ ဒီနည်းလမ်းက ဆံပင်သန်စေဖို့ အများကြီး အထောက်အကူပြုပါတယ်။ ဒါ့အပြင် ကိုယ်အဆင်ပြေတဲ့နည်းလမ်းနဲ့ လုပ်လို့ရအောင် နည်းလမ်း ၂ မျိုးကို ပြောပြပေးထားပါတယ်။ ဒီထဲကမှ ကိုယ်ကြိုက်တဲ့တစ်နည်းကို ရွေးပြီးလုပ်လို့ရတာပေါ့။

ကြက်သွန်နီ၊ အုန်းဆီနဲ့ Tea Tree Oil

ကြက်သွန်နီအရည် (Onion Juice) – စားပွဲတင်ဇွန်း ၂ ဇွန်း၊ အုန်းဆီ – စားပွဲတင်ဇွန်း ၂ ဇွန်းနဲ့ Tea Tree Oil – အစက် ၅ စက်ချပြီး ရောမွှေပါ။ Tea Tree Oil က ဗောက်ပျောက်စေပါတယ်။ မွှေပြီးရင် ၂ မိနစ်လောက်ထားလိုက်ပါ။ ပြီးမှ တစ်ခေါင်းလုံးနှံ့နေအောင် ပွတ်လိမ်းထားပါ။ ၃၀ မိနစ်ထားပြီးမှ ခေါင်းလျှော်ပါ။ ခေါင်းလျှော်တဲ့အခါလည်း Mild Shampoo နဲ့ လျှော်ပေးပါ။

ဗောက်ရှိတဲ့သူဆိုရင် ဒီနည်းလမ်းကို သုံးပါ။

ကြက်သွန်နီနဲ့ သံလွင်ဆီ

ကြက်သွန်နီအရည် (Onion Juice) – စားပွဲတင်ဇွန်း ၃ ဇွန်းနဲ့ သံလွင်ဆီ – စားပွဲတင်ဇွန်း တစ်ဇွန်းခွဲတို့ကို ရောမွှေပြီး ၂ မိနစ်ထားပါ။ ပြီးမှ တစ်ခေါင်းလုံးနှံ့နေအောင် ပွတ်လိမ်းထားပြီး ၂ နာရီကြာအောင်ထားပါ။ အချိန်ပြည့်မှ Mild Shampoo နဲ့ ခေါင်းလျှော်ချပါ။

ဗောက်မရှိရင် ဒီနည်းလမ်းကိုသုံးပါ။