အားလုံးပဲ မင်္ဂလာပါ။ အခုတစ်ခေါက်ဖတ်ရမှာကတော့ သခွားသီးရေက ကျန်းမာရေးအတွက် ဘယ်လိုကောင်းကျိုးပေးလဲဆိုတာပါပဲ။ သခွားသီးရေက ပြုလုပ်ရတာလည်း လွယ်ကူသလို ကျန်းမာရေးကောင်းကျိုးတွေကလည်း တကယ့်ကို အံ့မခန်းပါပဲ။ သခွားသီးကို ပါးပါးလှီးပြီး ရေကရားထဲမှာ ထည့်ပေးထားလိုက်ရုံနဲ့တင် အလွယ်တကူသောက်သုံးနိုင်ပါပြီ။ သူ့ရဲ့ကောင်းကျိုးလေးတွေကို ဆက်ဖတ်ကြည့်ရအောင်နော်။

Photo Source: domesticate-me.com

၁။ အသားအရည်လှတယ်

Photo source: www.thecocktailproject.com

သခွားသီးက အသားအရည်လှတယ်ဆိုတာတော့ အားလုံးသိပြီးသားပဲဖြစ်မှာပါ။ သခွားသီးထဲမှာပါပဲ ဗီတာမင်နဲ့ Antioxidants က အရွယ်မတိုင်ခင် အိုမင်းရင့်ရော်ခြင်း၊ ပါးရေတွန့်ခြင်း၊ အမဲစက်ဖြစ်ခြင်းကို တားဆီးပေးပြီး အသားအရေကို တင်းရင်းလှပစေပါတယ်။

၂။ ကိုယ်အလေးချိန်ကျတယ်

Photo Source: lajollamom.com

တစ်ခါတစ်ရံမှာ ရေဆာတာကို ဗိုက်ဆာတယ်ဆိုပြီး အထင်မှားတတ်ကြပါတယ်။ အဲ့ဒီအခါမျိုးမှာ ရေသောက်ပေးခြင်းက ကျန်းမာရေးအတွက်ကောင်းသလို၊ သခွားရေ သောက်ပေးခြင်းက မလိုအပ်ပဲအစား အလွန်အကျွံစားခြင်း၊ မုန့်ပဲသရေစာစားခြင်းကို ထိန်းချုပ်ပေးပါတယ်။

၃။ နှလုံးကျန်းမာရေးအတွက် အထူးကောင်းမွန်တယ်

Photo Source: eatingrichly.com

သခွားရေသောက်ခြင်းက ခန္ဓာကိုယ်ထဲမှာရှိတဲ့ ပိုတက်ဆီယမ် ပမာဏကိုမြှင့်တင်ပေးပါတယ်။ ပိုတက်ဆီယမ်က ဘာလုပ်ပေးလဲဆိုရင် သွေးဖိအားကို လျော့ချပေးတယ်၊ ရုတ်တရက်နှလုံးသွေးကြောမပိတ်အောင် ပြုလုပ်ပေးတယ်။ အခြားနှလုံးနဲ့ သက်ဆိုင်တဲ့ ရောဂါတွေမဖြစ်အောင်လည်း ကာကွယ်ပေးသေးတယ်။

၄။ အရိုးများကို သန်မာစေတယ်

Photo Source: www.thefitglobal.com

သခွားရေထဲမှာ သတ္တုဓာတ်တွေ များများစားစားမပါဝင်ပေမဲ့ အရိုးပွရောဂါဖြစ်နှုန်းကို ကာကွယ်ပေးပြီး အရိုးသိပ်သည်းဆကို မြှင့်တင်ပေးတဲ့ မန်းဂနိဓာတ်နဲ့ ဆီလီကာဒြပ်ပေါင်းပါဝင်တယ်။

၅။ ကင်ဆာဖြစ်ပွားနှုန်းကို လျှော့ချပေးတယ်

Photo Source: mynerede.com

သခွားသီးမှာ ပါတဲ့ ထူးခြားတဲ့ Cucurbitacin ဒြပ်ပေါင်းတစ်မျိုးက ဆီးကျိတ်ကင်ဆာ မဖြစ်အောင် ကာကွာပေးပါတယ်။

၆။ ကိုယ်တွင်းအဆိပ်အတောက် ဖယ်ရှားပေးတယ်

Photo Source: www.popsugar.com.au

သခွားရေသောက်များများသောက်ပေးပြီး ဆီးသွားမယ်ဆိုရင် ခန္ဓာကိုယ်ထဲမှာ ရှိတဲ့ အညစ်အကြေးအဆိပ်အတောက်တွေကို အလျင်အမြန်ချေဖျက်ပေးရာရောက်ပါတယ်။

၇။ ကြွက်သားအားကောင်းတယ်

Photo Source: liveleaneatgreen.com

သခွားရေထဲမှာ ပါဝင်မှုအများဆုံးကတော့ ဆီလီကာဓာတ်ပါ။ သူက ခန္ဓာကိုယ်ထဲမှာ ရှိတဲ့တွယ်ဆက်တစ်သျှူးတွေအတွက် အရေးကြီးတဲ့အခန်းကဏ္ဍမှာ ပါဝင်ပါတယ်။ သူကကြွက်သားကြီးထွားနှုန်းကိုလည်း မြှင့်တင်ပေးပါသေးတယ်။

အခုဆိုရင်တော့ သခွားရေရဲ့ ကျန်းမာရေးဆိုင်ရာကောင်းကျိုးလေးတွေကို သိရပြီဆိုရင်တော့ အိမ်မှာ သခွားရေလုပ်သောက်ကြည့်ရအောင်နော်။