တစ်သက်မှာတစ်ခါ ဆောင်ရတဲ့ မင်္ဂလာပွဲဟာ တစ်သက်မမေ့နိုင်စရာ အမှတ်တရတွေထဲကတစ်ခုပါပဲ။ သာယာတဲ့ အိမ်ထောင်ရေးတစ်ခုကို တည်ဆောက်ဖို့ (သို့) စတင်လျှောက်လှမ်းဖို့ လက်ထပ်ခြင်းဆိုတာ လမ်းစတစ်ခုပဲဖြစ်ပါတယ်။
မင်္ဂလာသတို့သမီးအနေနဲ့ မင်္ဂလာဝတ်စုံလှလှဝတ်ဖို့ မင်္ဂလာမဆောင်ခင်မှာ အသားအရေထိန်းသိမ်းတာတွေ ကိုယ်အလေးချိန်လျှော့ချတာတွေ လုပ်လေ့ရှိကြသလို မင်္ဂဆောင်မယ့် သတို့သမီးတိုင်းမှာ စိတ်ကူးထဲက ဝတ်ချင်တဲ့ မင်္ဂလာဝတ်စုံတွေ ရှိကြပါတယ်နော်။
တချို့တွေကတော့ ငှားဝတ်ကြသလို တချို့တွေကလည်း အမှတ်တရသိမ်းထားချင်လို့ တစ်ခါတည်းဝတ်ရပေမယ့်လည်း သိမ်းထားလေ့ရှိကြပါတယ်။
MyStyle Myanmar က စာဖတ်သူမိန်းကလေးတွေမှာလည်း အဲဒီလိုစိတ်ကူးလေးတွေ ရှိကြမှာပါ။
အနောက်တိုင်းဆန်ဆန် မင်္ဂလာဆောင်ကြမယ့် သတို့သမီးတို့အတွက် (သို့) ဖက်ရှင်ပိုင်းကိုစိတ်ဝင်စားပြီး ဝတ်စုံလှလှချုပ်ချင်တဲ့သူတွေအတွက် အလှဆုံး မင်္ဂလာဝတ်စုံတွေကို မျှဝေပေးချင်ပါတယ်။ ဒီဇိုင်းတွေကလည်း စုံစုံလင်လင်မို့ စာဖတ်သူတို့ သဘောကျကြမယ်လို့ မျှော်လင့်ပါတယ်နော်။
