သင်က ဂါဝန်ရှည်၊ စကပ်ရှည် ဝတ်လေ့ရှိသူဆိုရင် ဒီအကြောင်းအရာက သင့်အတွက်ပါပဲ။ အင်္ကျီအရှည်တွေက Modest Style လို့ ဆိုနိုင်ပြီး ခန္ဓာကိုယ် အသားကို သိပ်မပြချင်တဲ့ မိန်းကလေးတွေနဲ့ အဆင်ပြေပါတယ်။ ဒါ့အပြင် အရှည်တွေက ကိုယ့်ကို ပိုလွတ်လပစေပါတယ်။ သင့်ဆီမှာ စကပ်ရှည်၊ ဂါဝန်ရှည်တွေ ပိုင်ဆိုင်ထားရင် တခြား ထပ်ရွေးချယ်မယ့် ဖက်ရှင် ပစ္စည်းတွေကိုပါ စဉ်းစားသင့်ပါတယ်။ အထူးသဖြင့် ဖိနပ်ပါ။
ဂါဝန်၊ စကပ်က လှနေရင်တောင် ဖိနပ်နဲ့ မလိုက်ရင် စတိုင်မကျ ဖြစ်သွားတတ်ပါတယ်။ ဒီတစ်ခေါက်မှာတော့ စကပ်ရှည်၊ ဂါဝန်ရှည် ဝတ်လေ့ရှိတဲ့ ကောင်မလေးတွေအတွက် ပိုလှနေစေဖို့ ဆောင်ထားသင့်တဲ့ ဖိနပ်ပုံစံနဲ့ ရှောင်သင့်တဲ့ ဖိနပ် ပုံစံတွေကို ဖော်ပြပါရစေ။
A Line Skirt အရှည်တွေကို ဝတ်တဲ့အခါ
အလျားလိုက်သွားတဲ့ စကပ်ရှည်တွေကို ဖိနပ် အပါး Shoe တွေနဲ့ မတွဲသင့်ပါဘူး။ ဒီလိုတွဲဖက်လိုက်တဲ့အခါ အသက်ပိုကြီးတယ် ထင်ရစေပြီး ခြေထောက်ပိုတိုတယ် ထင်ရစေပါတယ်။
ဒီအစား A Line Skirt အရှည်တွေ ဝတ်တဲ့အခါ ဘွတ်ဖိနပ်ကို စီးသင့်ပါတယ်။ ဒီလို စီးလိုက်တဲ့အခါ ခြေထောက် ပိုရှည်တယ် ထင်ရစေပါတယ်။
ဂါဝန်အရှည် ဝတ်တဲ့အခါ
ဂါဝန်အရှည် ဝတ်တဲ့အခါ Ballet Shoes နဲ့ မတွဲသင့်ပါဘူး။ ဒီဖက်ရှင်ပုံစံက တွဲလိုက်ရင် ထူးခြားမှု မရှိ ဖြစ်တတ်ပါတယ်။
ဂါဝန်အရှည်အတွက် လိုက်ဖက်တဲ့ ဖိနပ်ကတော့ ကြိုးသိုင်း ဖိနပ်ပါ။
ဂါဝန်အရှည်၊ စကပ်အရှည်ကို Loafer နဲ့ မတွဲပါနဲ့
အရှည်တွေက သူ့စတိုင်နဲ့သူ Volume ရှိတာကြောင့် Volume များတဲ့ Loafer ဖိနပ်နဲ့ တွဲလိုက်တဲ့အခါ ပေါ့ပေါ့ပါးပါး မဖြစ်တော့ပါဘူး။ ဒါကြောင့် Sandals ဖိနပ်အပါးလေးတွေနဲ့ တွဲသင့်ပါတယ်။
Loafer တွေ ရွေးချယ်တဲ့အခါ
သင်က Loafer ဖိနပ်ကိုမှ သဘောကျတယ်ဆိုရင်တော့ အရောင် ရွေးချယ်မှုကို ဂရုစိုက်သင့်ပါတယ်။ ဖိနပ် အရောင် ဖျော့တာတွေကို ပိုဦးစားပေးသင့်ပြီး အဖြူနဲ့ အနက်ကို သတိထားသင့်ပါတယ်။
စကပ်ရှည်၊ ဂါဝန်ရှည်နဲ့ လိုက်ဖက်တဲ့ ဖိနပ်
ဂါဝန်ရှည်၊ စကပ်ရှည်နဲ့ လိုက်ဖက်တဲ့ ဖိနပ်ကတော့ အပိတ်မပါတဲ့ ပေါ့ပေါ့ပါးပါး ကြိုးသိုင်း ဖိနပ်၊ ညှပ်ဖိနပ်တို့ ဖြစ်ပါတယ်။ အရောင်ကို ဂရုစိုက် ရွေးချယ်မယ်ဆိုရင် အလှဆုံး ဖြစ်နေမှာပါ။
Photo source: Pinterest
By MyStyle Myanmar
