မင်္ဂလာပါ…. ပျိုမီဒီတို့ရေ…..“အသက်ကြီးဖို့ အချိန်မရှိဘူး” လို့ အရွှန်းဖောက်ခဲ့ဖူးတဲ့ ဂန္ထဝင် ကန်းထရီး အဆိုတော် Dolly Parton က အသက် 77 နှစ်ရှိပြီဖြစ်ပေမယ့် အရင်တုန်းကလိုဘဲ တောက်ပပြီး ဆွဲဆောင်မှုရှိတဲ့ ပုံပန်းသဏ္ဍန်ရှိနေဆဲပါ။
နုပျိုမှုကို အသက်ကြီးတဲအထိ ထိန်းသိမ်းထားနိုင်ဖို့အတွက် သူမကျင့်သုံးလေ့ရှိတဲ့ အလှအပဆိုင်ရာ အသားအရေ ထိန်းသိမ်းမှုအတွက် သူမရဲ့လျို့ဝှက်ချက်တွေကို ဝေမျှလိုက်ပါတယ်နော်….
Makeup Remover
Makeup Remover Wipes တွေမှာပါတဲ့ ပါဝင်ပစ္စည်းတချို့က အသားအရေကို ထိခိုက်စေနိုင်ပြီး ဓါတ်မတည့်မှုတွေဖြစ်စေနိုင်တယ်ဆိုပြီး အရေပြားအထူးကုဆရာဝန်အချို့က မသုံးစေချင်ကြပေမယ့် Dolly Parton ကတော့ သူမရဲ့ အသားအရေကို တောက်ပစေတယ်လို့ ယူဆထားတာကြောင့် အမြဲသုံးလေ့ရှိပါတယ်။
Fillers
နာမည်ကြီးတော်တော်များများက သူတို့မှာ Fillers တွေရှိတယ်ဆိုတဲ့အချက်ကို ဖုံးကွယ်ဖို့ကြိုးစားပေမယ့် Parton ကတော့ အမှန်တိုင်းပြောလေ့ရှိပါတယ်။
Skincare
Dolly Parton က Skincare ဝယ်တဲ့အခါ တန်ဖိုးကြီးတာ တန်ဖိုးနည်းတာတွေထက် သူမအသားအရေနဲ့ အဆင်ပြေမယ့် ပစ္စည်းတွေကိုပဲ ဝယ်သုံးလေ့ရှိပါတယ်။
နေပူထဲမှာ အကြာကြီးမနေပါနဲ့
နေရောင်ကြောင့် အသားအရေဟာ ပိုကောင်းတယ်လို့ လူတော်တော်များများက ယုံကြည်ကြပေမယ့် နေရောင်ခြည်က အရွယ်မတိုင်ခင် အရေးအကြောင်းတွေနဲ့ အစက်အပြောက်တွေကို ဖြစ်စေနိုင်ပါတယ်။ Parton က သူမရဲ့အသားအရေ ကောင်းမွန်နေသေးတာကနေရောင်ထဲမှာ အချိန်အများကြီမနေတာကြောင့်လို့ ယုံကြည်ထားပါတယ်။
အိပ်ချိန်
လုံလောက်တဲ့ အိပ်စက်ခြင်းက အသားအရေအတွက် အရေးကြီးပါတယ်။ ဘာကြောင့်လဲဆိုတော့ အိပ်တဲ့အခါ အရေပြားက ကော်လာဂျင်အသစ်ကို ဖန်တီးပေးပါတယ်။ ဒါပေမယ့် Parton ကတော့ အကြာကြီးအိပ်တတ်တဲ့ အလေ့အထမရှိဘဲ စောစောအိပ်ပြီး အစောကြီးထလေ့ရှိပါတယ်။
