မော်ဒယ်တွေရဲ့ ခြေတံတွေက ခပ်ရှည်ရှည်နဲ့ ဘောင်းဘီ ဝတ်တဲ့အချိန် ကြည့်လို့ကောင်းလှပါတယ်။ စကပ်တို ဝတ်လိုက်ရင်လည်း ခြေတံရှည်ရှည်နဲ့ ကြည့်မဝ ဖြစ်ရပါတယ်။ သင်က မော်ဒယ်တွေလို ခြေတံရှည်ရှည်ပိုင်ဆိုင်ဖို့ လေ့ကျင့်ခန်း ပုံမှန်လုပ်ပေးနိုင်ပါတယ်။ ဒီတော့ ဘောင်းဘီရှည်ဝတ်တိုင်း လှနေစေဖို့ ခြေတံရှည်စေမယ့် လေ့ကျင့်ခန်းတွေကို ကြည့်လိုက်ရအောင်နော်-
၁။ Alternative Lunges
- မတ်တပ်ရပ်အနေအထားကနေ စရပါမယ်။
- ပြီးနောက် ဘယ်ခြေထောက်ကို ဒူးထောက်တဲ့ ပုံစံ မျိုး ကွေးပေးရပါမယ်။
- ပြီးရင်တော့ ညာခြေထောက်ကို ဒီလိုပဲ လုပ်ပေးရပါမယ်။
- ဒါကို အခါ ၂၀ လုပ်ရပါမယ်။
Photo Source: Tenor
၂။ Plie Squat
- ခြေထောက်နှစ်ဖက်ကို ပခုံးအကျယ် ပိုကျယ်တဲ့ အကွာအဝေးနဲ့ ချဲထားရပါမယ်။
- ပြီးနောက် ဒီအနေအထားနဲ့ ထိုင်ထ ၂၅ ခါ လုပ်ပေးရပါမယ်။
Photo Source: SportsRec
၃။ Narrow Squats
- ခြေထောက်နှစ်ခုကို စုထားပြီးနောက် ထိုင်ထ ၂၅ ခါ လုပ်ရပါမယ်။
Photo Source: Pinterest
၄။ Side Leg Lift
- အိပ်လျက် ဘေးစောင်း အနေအထားနဲ့ ဘယ်ခြေထောက်ကို အပေါ်ဆန့်မြှောက်ပေးရပါမယ်။
- ဒါကို ၂၅ ခါ လုပ်ရပါမယ်။
- ပြီးနောက် တခြားဘက် ဘေးစောင်းအိပ်ကာ အပေါ်ဘက် ရောက်နေတဲ့ ခြေထောက်ကို ၂၅ ခါ ဆန့်ပေးရပါမယ်။
Photo Source: Pinterest
၅။ Straddle Scissors
- အပေါ်ကို အိပ်လျက်နဲ့ ခြေထောက်မြှောက်ပေးထားရပါမယ်။
- ပြီးနောက် ခြေထောက်ကို ကားပေးရပါမယ်။
- ပြီးရင်တော့ ပုံထဲကလို စုလျက် အနေအထား ပြန်သွားရပါမယ်။
- ဒါကို အခါ ၃၀ လုပ်ပေးရပါမယ်။
Photo Source: Pinterest
By MyStyle Myanmar