မိန်းကလေးတိုင်းလိုလို ဆံပင်အရှည်မြန်ချင်ကြတယ်၊ ဆံပင်သန်ချင်ကြတာက အိပ်မက်တစ်ခုပါပဲ့နော်။ ဒါပေမယ့် တော်တော်များများက မျက်နှာကိုပဲ အဓိကထားပြီးဂရုစိုက်နေကြတော့ ဆံပင်ကိုလည်း သိပ်ပြီး ဂရုမစိုက်ဖြစ်ကြပါဘူး။ ဒါကြောင့် ဆံပင်သန်ပြီးလှပချင်တယ်ဆိုရင်တော့ လွယ်ကူတဲ့နည်းလမ်းလေးဖြစ်ပြီး မီးဖိုချောင်ထဲမှာလည်း အလွယ်တကူရနိုင်တဲ့အာလူးကို သုံးပေးဖို့ပဲ့ လိုပါတယ်နော်။
သဘာဝနည်းလမ်းလေးတွေကတော့….
ပထမနည်းလေး
အာလူးအရည် – စားပွဲတင်ဇွန်းတစ်ဇွန်း
သံပုရာရည် – ၅ စက်
နနွင်းမှုန့် – အနည်းငယ်
အုန်းဆီ – လက်ဖက်ရည်ဇွန်းတစ်ဝက်
အာလူးကိုခြစ်ချပြီး အရည်ရအောင်ညှစ်ချပါ။ ရလာတဲ့အာလူးအရည် – စားပွဲတင်ဇွန်းတစ်ဇွန်းကို သံပုရာရည် – ၅ စက်၊ နနွင်းမှုန့် – အနည်းငယ်၊ အုန်းဆီ – လက်ဖက်ရည်ဇွန်းတစ်ဝက်နဲ့ ရောမွှေပေးပါ။ ပြီးရင်တော့ ညအိပ်ခါနီးမှာ Cotton Pad လေးနဲ့ယူပြီး ဆံပင်မှာပွတ်လိမ်းပေးပါ။ မနက်ရောက်ရင်တော့ ခေါင်းလျှော်ရည်နဲ့ ပုံမှန်အတိုင်း ခေါင်းလျှော်ချလိုက်ရုံပါပဲ။ ဒီလိုလုပ်ပေးတာဟာ ဆံပင်သန်စေပြီး ဆံပင်လည်းမြန်မြန်ရှည်စေပါတယ်။
ဒုတိယနည်းလေး
အာလူးအရည် – စားပွဲတင်ဇွန်းတစ်ဇွန်း
ရှားစောင်းလတ်ပတ်ဖျော်ရည် – လက်ဖက်ရည်ဇွန်း ၂ ဇွန်း
ပျားရည် – လက်ဖက်ရည်ဇွန်းတစ်ဝက်
သံပုရာရည် – လက်ဖက်ရည်ဇွန်းတစ်ဝက်
နောက်တစ်နည်းကတော့ အာလူးအရည် – စားပွဲတင်ဇွန်းတစ်ဇွန်းကို ရှားစောင်းလတ်ပတ်ဖျော်ရည် – လက်ဖက်ရည်ဇွန်း ၂ ဇွန်း၊ ပျားရည် – လက်ဖက်ရည်ဇွန်းတစ်ဝက်၊ သံပုရာရည် – လက်ဖက်ရည်ဇွန်းတစ်ဝက် တို့ကို ရောမွှေပါ။ ခေါင်းလျှော်ပြီးတဲ့အခါမှာ ရောမွှေထားတဲ့အာလူးအရည်တွေကို ခေါင်းမှာ Conditioner သုံးသလို သုံးပေးပါ။ နာရီဝက်ကြာရင်တော့ ရေဆေးချလိုက်ရုံပါပဲ။ ဒီလိုလုပ်ပေးတာကတော့ ဆံပင်သန်စေတဲ့အပြင် ဆံသားကိုလည်း တောက်ပြောင်လာစေပါတယ်။
