မင်္ဂလာပါ ပျိုမေလေးတို့ရေ… Matte နှုတ်ခမ်းနီတွေ အဆိုများလို့ နှုတ်ခမ်းသားလေးတွေ ပျက်စီးနေပြီလား။ နှုတ်ခမ်းသားက ညိုညစ်ညစ်နဲ့ ပျက်စီးနေလို့ စိတ်ညစ်နေတယ်ဆိုရင် နှုတ်ခမ်းသားလေးတွေကို အလျင်အမြန် ဂရုစိုက်ပေးရပါမယ်။
နှုတ်ခမ်းသား လှပဖို့အတွက် သီးသန့်ထုတ်လုပ်ထားတဲ့ အလှကုန်ပစ္စည်းတွေကို အသုံးပြုနိုင်သလို မိမိအိမ်မှာပဲ ပြုလုပ်နိုင်တဲ့ ဓာတုပစ္စည်း မပါဝင်သော သဘာဝအလှကုန်ပစ္စည်းလေးကိုလည်း ကိုယ်တိုင်ကိုယ်ကျ ဖော်စပ်ပြုလုပ်ကာ အသုံးပြုပေးနိုင်ပါတယ်။
ယခုဖော်ပြပေးမယ့် အိမ်တွင်းလုပ် သဘာဝပစ္စည်းအတွက် အဓိကလိုအပ်မယ့် ပါဝင်ပစ္စည်းလေးတွေကတော့ သကြားညို၊ သကြားအဖြူ၊ ပျားရည်၊ အယ်လ်မွန်ဆီနှင့် သစ်ကြမ်းပိုးခေါက်အမှုန့်တို့ပဲဖြစ်ပါတယ်။
အဆင့် (၁)
ပန်းကန်လုံးတစ်လုံးထဲမှာ အရင်ဦးဆုံး သကြားဖြူ လက်ဖက်ရည်ဇွန်းတစ်ဇွန်းထည့်ထားလိုက်ပါ။
အဆင့် (၂)
ထို့နောက် သကြားညို လက်ဖက်ရည်ဇွန်းတစ်ဇွန်းထပ်ထည့်ကာ သမအောင် မွှေပေးလိုက်ပါ။
အဆင့် (၃)
သဘာဝပျားရည်စစ်စစ် လက်ဖက်ရည်ဇွန်းတစ်ဇွန်းထည့်လိုက်ပါ။
အဆင့် (၄)
အယ်လ်မွန်ဆီ အနည်းငယ် လောင်းထည့်လိုက်ပါ။
အဆင့် (၅)
သစ်ကြမ်းပိုးခေါက်အမှုန့်ကိုလည်း ပါတယ်ဆိုရုံမျှသာ ထည့်ပေးရပါမယ်။
ပြီးရင် ပါဝင်ပစ္စည်းများ အားလုံးကို သမအောင် ရောမွှေပေးလိုက်ပါ။ ရရှိလာတဲ့အနှစ်ကို သင့်ရဲ့နှုတ်ခမ်းပေါ်မှာ ပွတ်တိုက်ပေးလိုက်ပါ။ ငါးမိနစ်ခန့် ပွတ်တိုက်ပေးပြီးနောက် ကြက်သီးနွေးရေနွေးလေးဖြင့် ဆေးကြောပေးလိုက်ပါ။ ပြီးရင် သင့်ရဲ့နှုတ်ခမ်းသားကို သေသေချာချာ ဂရုတစိုက် ကြည့်လိုက်ပါ။
ဂျီးမချွတ်ခင်ကလို ကြမ်းတမ်း ညိုညစ်နေတာမျိုးမဟုတ်ဘဲ နူးနူးညံ့ညံ့လေးနဲ့ ပန်းနုရောင်သမ်းနေတာကို တွေ့မြင်ရပါလိမ့်မယ်။ ဒီပေါင်းတင်နည်းလေးကို တစ်ရက်ခြားတစ်ခါ မှန်မှန်ပြုလုပ်ပေးမယ်ဆိုရင် လှပတဲ့နှုတ်ခမ်းသားတစ်စုံကို ပိုင်ဆိုင်နိုင်ပြီပဲဖြစ်ပါတယ်။
Source: Blog.honest.com
By MyStyle Myanmar
