မင်္ဂလာပါ MyStyle Myanmar ပရိတ်သတ်တို့ရေ။ ကျောကုန်းမှာ ဝက်ခြံထွက်ခြင်းက မှန်ကန်တဲ့ကုသမှုနဲ့ ဂရုစိုက်ပေးဖို့လိုပါတယ်။ လူမြင်ရတဲ့နေရာမဟုတ်ပေမယ့် ဝက်ခြံတွေကြောင့် သင်နေရထိုင်ရ အဆင်မပြေဖြစ်စေပါတယ်။ ဒီဝက်ခြံတွေကို တိုက်ထုတ်ဖို့ အလှကုန် Skin Care တွေရှိပါတယ်။
ဒီတစ်ခေါက်မှာတော့ နောက်ကျောဘက်က ဝက်ခြံတွေကို သဘာဝနည်းနဲ့ဖယ်ရှားပေးမယ့် အိမ်တွင်းနည်းလမ်းတွေကို ဖော်ပြပေးချင်ပါတယ်။ ဒီနည်းလမ်းတွေကို ဝက်ခြံပေါ်တိုက်ရိုက်မလိမ်းခင် အရေပြားနဲ့ တည့်မတည့်အရင်စမ်းသပ်ကြည့်ဖို့ အကြံပြုလိုပါတယ်။
ပန်းသီးရှာလကာရည်နဲ့ ဝက်ခြံတွေကို ဖယ်ရှားလိုက်ရအောင်
ဒီနည်းလမ်းကတော့ သာမန်အသားအရေကနေ ခြောက်သွေ့တဲ့အသားအရေအတွက် အသင့်တော်ဆုံးဖြစ်ပါတယ်။
လိုအပ်တဲ့ပစ္စည်းများ-
- ဆားတစ်ဇွန်း
- ရှားစောင်းလတ်ပတ်ဂျယ် ၁ ဇွန်း
- ပန်းသီးရှာလကာရည် တစ်ဇွန်း
- ဂွမ်းစ
- ရေအပူ ၂ ဇွန်း
ပြုလုပ်နည်း
ပထမဆုံးအဆင့်အနေနဲ့ ဆားကို ရေနွေးနွေးထဲ ပျော်အောင်မွှေပေးပါ။ အဲ့ဒီထဲကို ဝါဂွမ်းစစိမ်လိုက်ပြီး ဝက်ခြံဖြစ်တဲ့နေရာပေါ် စိမ်ထားတဲ့ဝါဂွမ်းစနဲ့ ၅ မိနစ်ပွတ်ပေးပါ။ ခြောက်သွားပါစေ။ ဒါကို ရေနဲ့မဆေးပါနဲ့။
သန့်ရှင်းတဲ့ခွက်တစ်ခွက်ယူလိုက်ပါ။ ရှားစောင်းလတ်ပတ်ဂျယ်နဲ့ ပန်းသီးရှာလကာရည်ကို ဆတူရောလိုက်ပါ။ အဲ့ဒီအရောထဲကို ဝါဂွမ်းအသစ်တစ်ခု နှစ်လိုက်ပါ။ ဝါဂွမ်းကို အရည်စစ်လိုက်ပါ။
ဝက်ခြံပေါက်တဲ့နေရာကို ဒီဝါဂွမ်းနဲ့ ပွတ်ပေးပါ။ ခြောက်သွားအောင်ထားပေးပါ။ ဒီနည်းလမ်းကို မနက်ရေချိုးပြီးတဲ့အချိန်တိုင်း ပြုလုပ်နိုင်ပါတယ်။
Tea Tree Oil သုံးပြီး ဝက်ခြံဖယ်ရှားနိုင်မယ့်နည်း
Source: The Body Shop
ဒီနည်းလမ်းက အသားအရေအမျိုးအစားတိုင်းအတွက် သင့်တော်ပါတယ်။ အရေပြားက အရမ်း Sensitive ဖြစ်ရင်တော့ ပန်းသီးရှာလကာရည်အနည်းငယ်ပဲ့ သုံးပေးပါ။
လိုအပ်တဲ့ပစ္စည်းများ
- Tea tree essential oil: ၂ စက် ၃ စက်
- Wet Tissue
- ပိုးသတ်ထားတဲ့ရေ
- ပန်းသီးရှာလကာရည်တစ်ခွက်
- စရေးဖြန်းဘူးအလွတ်
ပြုလုပ်နည်း
သန့်ရှင်းတဲ့ခွက်တစ်ခွက်ထဲမှာ ရေတစ်ဝက်ထည့်ပေးပါ။ ပြီးနောက် အဲ့ဒီထဲကို ပန်းသီးရှာလကာရည်နဲ့ Tea Tree Oil ထည့်ပေးပါ။ ဒီအရောကို စပရေးဖြန်းဘူးထဲထည့်ပေးပါ။
ဝက်ခြံဖြစ်တဲ့နေရာကို Wet Tissue နဲ့သုတ်လိုက်ပါ။ ပြီးတာနဲ့ ဝက်ခြံထွက်တဲ့နေရာပေါ် စပရေးနဲ့ဖြန်းပေးပါ။ ဖြန်းပြီး ၅ မိနစ်ကနေ ၁၀ မိနစ်ထားပေးပါ။
အဝတ်စိုတစ်ခုနဲ့ သုတ်လိုက်ပါ။ ဒီနည်းလမ်းကိုတစ်နေ့မှာ နှစ်ကြိမ်ကနေ သုံးကြိမ်ပြုလုပ်ပေးနိုင်ပါတယ်။
တမာရွက်နဲ့ ဝက်ခြံဖယ်ရှားနည်း
Source: Daulos Organic Products
တမာရွက်အရည်က အသားအရေကို ခြောက်သွေ့စေတာမို့ အသားခြောက်သူတွေအတွက်တော့ မသင့်တော်ပါဘူး။
လိုအပ်တဲ့ပစ္စည်းများ
- ပန်းသီးရှာလကာရည် တစ်ဇွန်း
- ရှားစောင့်လတ်ပတ်ရည် ၄ ဇွန်း
- တမာရွက်ကျိတ်ထားတဲ့အရည် တစ်ဇွန်း
- Tea tree Essential oil ဇွန်းတစ်ဝက်
- နှင်းဆီရည် ၂ ဇွန်း နှင့်စပရေးဖြန်းဘူး အလွတ်
ပြုလုပ်ပုံ
- ပါဝင်ပစ္စည်းအားလုံးကို ခွက်တစ်ခွက်ထဲရောထည့်လိုက်ပါ။
- ဒီအရည်ကို စပရေးဖြန်းဘူးထဲပြောင်းထည့်ပေးပါ။
- ရေချိုးပြီးနောက် ဖြန်းပေးပါ။
- နာရီအနည်းငယ်ထားပေးပါ။
- ရိုးရိုးရေနဲ့ ဆေးချပါ။
ဒီနည်းလမ်းကို ရေချိုးပြီးနောက် ဖြန်းပေးနိုင်ပါတယ်။
ကဲ့….ဒီသဘာဝနည်းလမ်းကောင်းလေးတွေထဲက စိတ်ကြိုက်တစ်နည်းကို ရွေးချယ်အသုံးပြုပြီးတော့ စိတ်အနှောင့်အယှက်ဖြစ်စေတဲ့ နောက်ကျောဘက်ကပေါက်တဲ့ ဝက်ခြံတွေကို ဖယ်ရှားပြီး လှပချောမွေ့တဲ့အသားအရေကို ပိုင်ဆိုင်နိုင်ကြပါစေ။
