ဗီတာမင်စီဓာတ်ကြွယ်ဝတဲ့ လိမ္မော်သီးက စားလို့ကောင်းသလို အသားအရေအလှအပအတွက်လည်း များစွာအထောက်အကူပြုနေတယ်ဆိုတာကို ပျိုမေလေးတွေ သိပြီးသားဖြစ်မှာပါနော်။ ကျန်းမာရေးနဲ့ညီညွှတ်တဲ့ လိမ္မော်သီးက အသားအရေကို ဖြူဖွေးဝင်းပစေပြီး ဝက်ခြံနဲ့ အမဲစက်တွေကိုလည်း သိသိသာသာဖယ်ရှားပေးပါသေးတယ်နော်။ ဒါ့အပြင် အဆီပြန်ခြင်း ကင်းဝေးစေပြီး အသားအရေကို ကြည်လင်ဝင်းပစေပါတယ်။
ကဲ…မျက်နှာအသားအရေအတွက် ကောင်းကျိုးများစွာပေးတဲ့ လိမ္မော်သီးကို အသားအရေ လှပကြည်လင်နူးညံ့ချောမွတ်ဖို့အတွက် ဘယ်လိုပေါင်းတင်လို့ရမလဲဆိုတာကို မျှဝေပေးလိုက်ပါတယ်နောိ။
(၁)သင်္ဘောသီးနဲ့
လိမ္မော်သီး တစ်လုံးနှင့် သင်္ဘောသီး လေးစိတ် တစ်စိတ်ခန့်ကို အနှစ်များရအောင် ချေပေးလိုက်ပါ။ သမအောင် ရောနှောပြီးတဲ့နောက်မှာတော့ မျက်နှာနှင့် လည်ပင်းပေါ်မှာ သုတ်လိမ်းပေးလိုက်ပါ။ ၁၅ မိနစ်၊ မိနစ် ၂၀ ခန့်ကြာမှ မျက်နှာသစ်ပေးလိုက်ပါ။
ဒီနည်းလမ်းဖြင့် တစ်ပတ်မှာ နှစ်ကြိမ်ခန့် ပေါင်းတင်ပေးမယ်ဆိုရင်တော့ သင့်အသားအရေက ကြည်လင်ဝင်းပလာပါလိမ့်မယ်။
(၂)ငှက်ပျောသီးနဲ့
ဒီနည်းလမ်းဖြင့် ပေါင်းတင်ပေးမယ်ဆိုရင်တော့ ငှက်ပျောသီးတစ်လုံးနှင့် လိမ္မော်သီး တစ်လုံးတို့ လိုအပ်ပါလိမ့်မယ်။ ထိုသစ်သီးနှစ်မျိုးစလုံးကို အနှစ်များရအောင် ချေပြီးတဲ့နောက်မှာတော့ သင့်ရဲ့မျက်နှာပေါ်မှာ သုတ်လိမ်းပေးလိုက်ပါ။ ၁၅ မိနစ်၊ မိနစ် ၂၀ ခန့်ကြာမှ ရေနွေးနွေးလေးဖြင့် မျက်နှာသစ်ပေးပြီးနောက် မျက်နှာသုတ်ပုဝါလေးဖြင့် ခပ်ဖွဖွလေး ပုတ်ပေးလိုက်ပါ။
ဒီပေါင်းတင်နည်းကတော့ သင့်အသားအရေကို အစိုဓာတ်ဖြည့်တင်းပေးပြီး အမဲစက်များကို ဖယ်ရှားပေးပါတယ်။ တစ်ပတ် နှစ်ကြိမ်ခန့် ပေါင်းတင်ပေးလိုက်ပါ။
(၃) အုန်းဆီနဲ့
ဒီမျက်နှာပေါင်းတင်နည်းနဲ့ ပေါင်းတင်ဖို့အတွက် အုန်းဆီ လက်ဖက်ရည်ဇွန်း ၁ ဇွန်းနှင့် လိမ္မော်သီးအနှစ် စားပွဲတင်ဇွန်းတစ်ဇွန်းတို့ လိုအပ်ပါလိမ့်မယ်။ ထိုပါဝင်ပစ္စည်း နှစ်မျိုးစလုံးကို သမအောင် ရောမွှေပြီးတဲ့နောက်မှာတော့ သင့်ရဲ့မျက်နှာပေါ်မှာ သုတ်လိမ်းပေးလိုက်ပါ။ ထို့နောက် မိနစ် ၃၀ ခန့် ထားထားလိုက်ပါ။ မိနစ် ၃၀ ပြည့်ပါက ဝါဂွမ်းစလေးဖြင့် သုတ်ကာ ဖယ်ရှားပေးလိုက်ပါ။
ဒီပေါင်းတင်နည်းကတော့ သင့်ရဲ့မျက်နှာပေါ်က အညစ်အကြေးများကို ဖယ်ရှားပေးပြီး အသားအရေကို ကြည်လင်စေပါတယ်။ တစ်ရက်ခြားတစ်ခါခန့် ပြုလုပ်ပေးဖို့တော့ လိုပါလိမ့်မယ်။
Source: Stylecraze.com
