အားလုံးပဲမင်္ဂလာပါနော်။ ပျိုမေလေးတွေရေ…လက်သည်းလေးတွေ ခဏခဏ ကျိုးပဲ့ပြီး အရှည်ထားဖို့ အခက်တွေ့နေပါသလား?? လက်သည်းအရှည်ထားချင်ပေမယ့် အရှည်မထားနိုင်တဲ့သူတွေအတွက် လက်သည်းလေးတွေ ခိုင်မာပြီး ရှည်လျားစေဖို့ နည်းလမ်းကောင်းလေးတွေကို မျှဝေပေးလိုက်ပါတယ်နော်…
၁။ နည်းလမ်း ၁
ပါဝင်ပစ္စည်း
- သံလွင်ဆီ စားပွဲတင်ဇွန်း ၁ ဇွန်း
- ကြက်သွန်ဖြူ ၃ မွှာကို ပါးပါးလှီးပါ
- လိမ္မော်သီးတစ်ခြမ်း
ပြုလုပ်နည်း
အရင်ဆုံး သံလွင်ဆီ နဲ့ ကြက်သွန်ဖြူကို စိမ်ထားပါ။ ၁ နာရီလောက်စိမ်ထားပေးပါ။ လိမ္မော်ရည် တစ်ခြမ်းကို အရည်ညှစ်လိုက်ပါ။ အဲဒီနောက် သံလွင်ဆီနဲ့ ကြက်သွန်ဖြူ လိမ္မော်ရည်တို့ကို သေချာ ရောမွေပေးလိုက်ပါ။ လက်သည်းလေးတွေကို ၁၅ မိနစ်လောက်စိမ်ပေးထားပါ။ ပြီးရင်ရေပြန်ဆေးလိုက်ပြီး ခြောက်အောင်သုတ်ပေးလိုက်ပါ။
၂ ရက်ခြား တစ်ခါ လုပ်ပေးပါ။
၂။ နည်းလမ်း ၂
- သံပယိုရည် အနည်းငယ်
- အုန်းဆီ (သို့) သံလွင်ဆီ အနည်းငယ်
- မုန့်ဖုတ်ဆိုဒါ (ပွဆေး) အနည်းငယ်
ပြုလုပ်နည်း
ပါဝင်ပစ္စည်းတွေကိုသေချာ ရောပေးလိုက်ပါ။ ပြီးရင် လက်သည်းလေးတွေမှာ လိမ်းပေးလိုက်ပြီး ၁၀ မိနစ် ၁၅ မိနစ်လောက်ထားပါ။
အဲဒီနောက် ရေနွေးလေးနဲ့ သေချာဆေးလိုက်ပါ။ တစ်ပတ် ၁ ကြိမ် လုပ်ပေးပါ။
Source: www.glowpink.com
