နမ်းချင်စရာကောင်းတဲ့ ပန်းရောင် နှုတ်ခမ်းအိအိလေးကို ပျိုမေတို့ ပိုင်ဆိုင်ချင်ကြမှာပါ။ နှုတ်ခမ်းကလည်း အသားအရေလိုပဲ Scrub မလုပ်တာ ကြာရင် ဆဲလ်သေတွေ ပိုကပ်လာတတ်ပါတယ်။ ဒီလို ဆဲလ်သေတွေ များလာရင် နှုတ်ခမ်း သွေးလည်ပတ်မှုအတွက် မကောင်းဘဲ နှုတ်ခမ်းခြောက်တာ၊ ညိုတာတွေ ဖြစ်နိုင်ပါတယ်။ ဒီတော့ အသားအရေကို Scrub တိုက်သလိုပဲ နှုတ်ခမ်းလေးကိုပါ Scrub တိုက်ပေးသင့်ပါတယ်။
ဒီလို Scrub တိုက်မယ့်နေရာမှာ အသားအရေလို Body Scrub, Face Scrub တွေ ဝယ်နေစရာမလိုဘဲ ကိုယ်တိုင် DIY Lip Scrub ပြုလုပ်နိုင်ပါတယ်။ DIY Lip Scrub ဖြစ်တာမို့လို့ ဓာတုပစ္စည်းတွေ ပါဝင်မလား ကြောက်နေစရာ မလိုတော့ဘဲ လုပ်ပြီးတာနဲ့ လွတ်လွတ်လပ်လပ် သုံးနိုင်မှာပါ။ ဒီတော့ တကယ်ထိရောက်တဲ့ DIY Lip Scrub နည်းလမ်းကို ကြည့်လိုက်ရအောင်နော်-
၁။ ပထမဆုံး လိုအပ်တဲ့ ပစ္စည်းကတော့ သကြားအညိုရောင်ပါ။ သကြား အညိုရောင်ကို လေးဇွန်း ထည့်ပေးရပါမယ်။ သကြားက ဆဲလ်သေတွေကို ဖယ်ရှားတဲ့ နေရာမှာ ထိရောက်ပါတယ်။
၂။ အုန်းဆီ တစ်ဇွန်း
အုန်းဆီကတော့ နှုတ်ခမ်း အသားအရေ စိုပြေဖို့ တာဝန်ယူပေးပါလိမ့်မယ်။
၃။ ပျားရည် ဇွန်းသေး ၆ ဇွန်း
ပျားရည်ကလည်း နှုတ်ခမ်း အသားအရေ စိုပြေနူးညံ့ဖို့ ကူညီပေးပါလိမ့်မယ်။ ဒါ့အပြင် ပျားရည်က နှုတ်ခမ်းကွဲတာကို သက်သာစေပါတယ်။
ဒီပါဝင်ပစ္စည်းအားလုံးကို ရောပေးကာ သင့်နှုတ်ခမ်းပေါ် ပွတ်ပေးနိုင်ပါတယ်။ ခဏကြာ ပွတ်ပြီးတာနဲ့ ရေဆေးချပေးရပါမယ်။
Photo Source: Hello Glow
ဒီနည်းလမ်းကို ပုံမှန် လုပ်ပေးမယ်ဆိုရင်တော့ နှုတ်ခမ်းခြောက်တာ သက်သာစေမယ့်အပြင် နူးညံ့ပြီး နမ်းချင်စရာကောင်းတဲ့ နှုတ်ခမ်း စိုစိုအိအိလေးကို ပိုင်ဆိုင်စေမှာပါ။
Photo Source: Pinterest
By MyStyle Myanmar
