သင်က နှုတ်ခမ်းသားညိုတာ ၊ ဒါမှမဟုတ် နှုတ်ခမ်းအသား ခြောက်တတ်တယ်ဆိုရင်တော့ ပုံမှန် Lip Scrub သုံးပေးသင့်ပါတယ်။ တစ်ပတ်မှာ တစ်ခါ ဒါမှမဟုတ် နှစ်ရက်မှာ တစ်ခါလောက် Lip Scrub သုံးပေးနိုင်ပါတယ်။ အခုဖော်ပြထားတဲ့ Lip Scrub ကတော့ သင့်အိမ်မှာ လွယ်ကူစွာ လုပ်နိုင်ပြီး သင့်အတွက် အသုံးဝင်မှာပါ။ ဒီတော့ နည်းလမ်းကို ကြည့်လိုက်ရအောင်နော်-

လိုအပ်တဲ့ ပစ္စည်းတွေကတော့-

၁။ သကြား

သကြားက နှုတ်ခမ်းပေါ်က ဆဲလ်သေတွေကို ကွာကျစေပြီး နှုတ်ခမ်းညိုတာကို သက်သာစေပါတယ်။

၂။ သံလွင်ဆီ

သံလွင်ဆီက နှုတ်ခမ်းသားကို အစိုဓာတ်ပေးပြီး နူးညံ့စေပါတယ်။

၃။ Vaseline

Vaseline ကလည်း နှုတ်ခမ်း သား ခြောက်သွေ့တာ သက်သာစေပြီး နှုတ်ခမ်းသား ကွဲအက်တာအတွက် ဆေးစွမ်းကောင်း တစ်ခုဆိုလည်း မမှားပါဘူး။

၄။ အရောင်

တကယ်လို့ သင်က Lip Scrub ကို အရောင်နဲ့ သုံးချင်တယ်ဆိုရင် Lip Gloss ကိုပါ Scrub ထဲ ထည့်ရောပေးလို့ ရပါတယ်။

ဒီ ပါဝင်ပစ္စည်းတွေကို ရောပြီးနောက် နှုတ်ခမ်းပေါ်မှာ စက္ကန့် အနည်းငယ် ပွတ်ပေးရပါမယ်။

ပိုနေတဲ့ Lip Scrub ကို ဗူးထဲ ထည့်သိမ်းထားပြီး နောက်တစ်ခါ ပြန်သုံးပေးလို့ ရပါတယ်။

Photo Source: Pinterest

By MyStyle Myanmar