ပါဝင်ပစ္စည်းနှစ်မျိုးထဲနဲ့ လွယ်လွယ်ကူကူလုပ်လို့ရမယ့် Lip Balm ပြုလုပ်နည်း

Lip Balm ဆိုတာ နှုတ်ခမ်းသားခြောက်သွေ့ အက်ကွဲတာတွေမဖြစ်အောင် ဆောင်ထားသင့်တဲ့ပစ္စည်းတစ်မျိုးပါ။ တချို့ကျတော့လည်း Chemical မပါအောင် ကိုယ်တိုင် Homemade လေးတွေပြုလုပ်ရတာကိုပဲ ကြိုက်ကြတယ်။ ဒါကြောင့် ငွေကုန်လည်းသက်သာပြီး ပါဝင်ပစ္စည်းနှစ်မျိုးထဲနဲ့ ကိုယ်တိုင်လွယ်လွယ်ကူကူလုပ်လို့ရမယ့် Lip Balm ပြုလုပ်နည်းကို မျှဝေပေးလိုက်ပါတယ်။

Homemade Lip Balm ပြုလုပ်ဖို့ လိုအပ်တဲ့ ပါဝင်ပစ္စည်းနှစ်မျိုးကတော့ အုန်းဆီနဲ့ Vaseline ပါ။

လုပ်ရမယ့်ပုံစံကတော့ Vaseline – စားပွဲတင်ဇွန်း တစ်ဇွန်းကို အရည်ပျော်အောင် အပူပေးပါ။ ပြီးရင်တော့ အုန်းဆီ – လက်ဖက်ရည်ဇွန်း တစ်ဝက်ထည့်ပြီးမွှေပါ။ သေချာမွှေပြီးရင် ဗူးအသန့်တစ်ခုထဲကိုထည့်ပြီး အအေးခံထားလိုက်ပါ။ အေးပြီးပျစ်သွားပြီဆိုရင်တော့ Lip Balm အဖြစ် သုံးလို့ရပါပြီ။