မင်္ဂလာပါ MyStyle Myanmar ရဲ့ပျိုမေလေးတို့ရေ… အသားအရေက ခြောက်သွေ့လို့ စိတ်ညစ်နေပါသလား။ အသားအရေခြောက်သွေ့သူတွေက ပုံမှန်အသားအရေပိုင်ဆိုင်သူများထက် အစိုဓာတ်ပိုဖြည့်တင်းဖို့ လိုအပ်ပါတယ်။

အသားအရေကို အစိုဓာတ်ဖြည့်တင်းပေးဖို့ရန်အတွက် အသင့်တော်ဆုံးအရာကတော့ သဘာဝကပေးသော အကောင်းဆုံးလက်ဆောင်မွန်ဖြစ်တဲ့ ပျားရည်ပဲ့ ဖြစ်ပါတယ်။ ပျားရည်ကို မိမိကြိုက်နှစ်သက်ရာနည်းလမ်းတစ်မျိုးမျိုးနဲ့ ပေါင်းတင်ပေးနိုင်ဖို့အတွက် အခုဖော်ပြပေးမယ့် ပေါင်းတင်နည်းလေးတွေကို ဆက်လေ့လာကြည့်လိုက်ရအောင်။

ပျားရည်နှင့် ငှက်ပျောသီး

ပျားရည် စားပွဲတင်ဇွန်းတစ်ဇွန်းကို ငှက်ပျောသီးအနှစ် စားပွဲတင်ဇွန်း တစ်ဇွန်းဖြင့် ရောနှောလိုက်ပါ။ ထို့နောက် မျက်နှာပေါ်မှာ ညီညီညာညာသုတ်လိမ်းပေးလိုက်ပါ။ မိနစ် ၃၀ ခန့်အခြောက်ခံထားပြီးမှ ရေအေးအေးလေးနဲ့ ရေဆေးပေးရပါမယ်။

ပျားရည်၊ နနွင်းမှုန့်နှင့် Glycerin

သဘာဝပျားရည်စစ်စစ် စားပွဲတင်ဇွန်း တစ်ဇွန်း၊ နနွင်းမှုန့် လက်ဖက်ရည်ဇွန်း တစ်ဝက်နှင့် Glycerin လက်ဖက်ရည်ဇွန်းတစ်ဝက်တို့ကို သမအောင် ရောမွှေလိုက်ပါ။ ထို့နောက် မျက်နှာနှင့် လည်ပင်းပေါ်မှာ သုတ်လိမ်းပေးလိုက်ပါ။ မိနစ် ၂၀၊ မိနစ် ၃၀ ခန့် အခြောက်ခံလိုက်ပါ။ ခြောက်သွားပြီဆိုမှ ရေအေးလေးနဲ့ မျက်နှာသစ်ပေးလိုက်ပါ။

ပျားရည်နှင့် ထောပတ်သီး

ထောပတ်သီးအနှစ် စားပွဲတင်ဇွန်းတစ်ဇွန်း၊ ဒိန်ချဉ် လက်ဖက်ရည်ဇွန်း တစ်ဇွန်းနှင့် ပျာားရည် လက်ဖက်ရည်ဇွန်းတစ်ဇွန်းတို့ကို သမအောင် ရောမွှေပေးလိုက်ပါ။ ထို့နောက် မျက်နှာပေါ်မှာ ညီညီညာညာသုတ်လိမ်းပြီး အခြောက်ခံပေးရပါမယ်။ ခြောက်သွားပြီဆိုမှ ရေအေးလေးနဲ့ မျက်နှာသစ်ပေးလိုက်ပါ။

ပျားရည်နှင့် ရှားစောင်းလက်ပတ်

ပျားရည် လက်ဖက်ရည်ဇွန်း နှစ်ဇွန်းကို ရှားစောင်းလက်ပတ်ဂျယ် လက်ဖက်ရည်ဇွန်း တစ်ဇွန်းဖြင့် ရောမွှေပေးလိုက်ပါ။ ထို့နောက် မျက်နှာပေါ်မှာ သုတ်လိမ်းပေးလိုက်ပါ။ မိနစ် ၃၀ ခန့် အခြောက်ခံပြီးမှ ရေအေးအေးလေးနဲ့ မျက်နှာသစ်ပေးလိုက်ပါ။

Source: Stylecraze.com