မိုးရာသီမှာ ဆံသားပျက်စီးတာတွေ၊ ဗောက်ထတာတွေက ပိုပြီးအဖြစ်များပါတယ်။ ဒါကြောင့် မိုးရာသီမှာတောင် ဆံသားမပျက်စီးပဲ healthy hair ဖြစ်ပြီး လှနေစေမယ့် ဆံပင်ပေါင်းတင်နည်းတွေကို ဖော်ပြပေးလိုက်ပါတယ်။ သဘာဝပေါင်းတင်နည်းတွေ ဖြစ်တာကြောင့် ဆံသားအတွက် ပိုကောင်းပါတယ်။
ငှက်ပျောသီး၊ ဒိန်ချဉ်၊ အုန်းဆီ
ဆံပင်သန်ပြီး healthy hair ရလာဖို့အတွက် ဆံပင်ပေါင်းတင်နည်း ဖြစ်ပါတယ်။
ငှက်ပျောသီးအမှည့် – ၁ လုံးကိုချေပြီး ဒိန်ချဉ် – စားပွဲတင်ဇွန်း ၂ ဇွန်း၊ အုန်းဆီ – စားပွဲတင်ဇွန်း ၁ ဇွန်းနဲ့ ရောမွှေပါ။ ပြီးရင်တော့ ဦးရေပြားနဲ့ ဆံသားမှာ သေချာနှံ့အောင်ပွတ်လိမ်းပြီး ၁ နာရီခွဲထားပေးရပါမယ်။ အချိန်ပြည့်ရင်တော့ ခေါင်းလျှော်လိုက်ရုံပါပဲ။
ဒီနည်းလမ်းကိုတော့ တစ်ပတ်မှာ ၁ ကြိမ် (သို့) ၂ ကြိမ် ပုံမှန်လုပ်ပေးရပါမယ်။
ထောပတ်သီး၊ ငှက်ပျောသီး၊ သံလွင်ဆီ၊ wheat germ oil
မိုးတွင်းမှာ ဆံပင်ကျွတ်တာသက်သာစေပြီး ဆံသားပျော့ပြောင်းစေတဲ့ ဆံပင်ပေါင်းတင်နည်းပါ။
ထောပတ်သီးအမှည့် – ၁ လုံးနဲ့ ငှက်ပျောသီးအမှည့် – ၁ လုံးကို ကျေညက်သွားအောင် ရောချေပေးပါ။ ကျေညက်သွားပြီဆိုရင်တော့ သံလွင်ဆီ – စားပွဲတင်ဇွန်း ၁ ဇွန်းနဲ့ wheat germ oil – စားပွဲတင်ဇွန်း ၁ ဇွန်းထည့်ပြီး သမအောင်မွှေပါ။ ပြီးရင်တော့ ဦးရေပြားနဲ့ ဆံသားမှာ သေချာနှံ့အောင်လိမ်းပြီး မိနစ် ၃၀ ထားပါ။ အချိန်ပြည့်ရင် ခေါင်းလျှော်လိုက်ရုံပါပဲ။
ဒီနည်းလမ်းကို တစ်ပတ်မှာ ၂ ကြိမ်လုပ်ပေးရပါမယ်။
သံပယိုရည်၊ ပျားရည်
မိုးရာသီမှာဗောက်အရမ်းထတာကို သက်သာစေမယ့် ဆံပင်ပေါင်းတင်နည်းပါ။
ဒီနည်းလမ်းကတော့ အလွယ်ဆုံးပါပဲ။ သံပယိုရည်နဲ့ပျားရည်ကို ဆတူရောပြီး ဦးရေပြားနဲ့ ဆံသားမှာ ပွတ်လိမ်းပြီး တစ်နာရီထားပါ။ အချိန်ပြည့်ရင် ခေါင်းလျှော်ချလိုက်ရုံပါပဲ။
ဒီနည်းလမ်းကို တစ်ပတ်မှာတစ်ကြိမ ပုံမှန်လုပ်ပေးရင် ရပါတယ်။
