ဆံပင်ပါးလို့ အုံထူချင်တဲ့သူတွေ၊ ဆံသားသန်စွမ်းချင်တဲ့ သူတွေအတွက် အဆင်ပြေတဲ့ DIY Hair Mask ပြုလုပ်နည်းတွေကို မျှဝေပေးလိုက်ပါတယ်။ ကိုယ်အဆင်ပြေရာတစ်မျိုးကို ရွေးလုပ်ရုံပဲဆိုတော့ လူတိုင်းအတွက် လုပ်ရတာ လွယ်ကူမှာပါ။
Hair Mask 1
ထောပတ်သီးကို တစ်ခြမ်းကို အထဲကအသားတွေခြစ်ယူကာ ပန်းကန်ထဲထည့်ပါ။ ပြီးရင် ကြက်ဥတစ်လုံး၊ အုန်းဆီ – စားပွဲတင်ဇွန်း ၁ ဇွန်း၊ ပျားရည် – လက်ဖက်ရည်ဇွန်းတစ်ဝက်နဲ့ ရောမွှေပါ။ ထောပတ်သီးတွေကို ကြေညက်အောင် ချေပေးပါ။ ပြီးရင်တော့ ဆံသားနဲ့ဦးရေပြားအနှံ့ သေချာလိမ်းပြီး မိနစ် ၃၀ ထားပါ။ အချိန်ပြည့်မှ ခေါင်းလျှော်ပေးပါ။ ဒီ Hair Mask ကတော့ ဆံသားသန်စွမ်းပြီး အုံထူလာစေဖို့ အထောက်အကူ ပြုပါတယ်။
Hair Mask 2
Apple Cider Vinegar ကို လေးပုံ ပုံ တစ်ပုံစာယူပြီး Green Tea တစ်ခွက်နဲ့ ရောမွှေပေးပါ။ Green Tea က အပူမဟုတ်ပဲ အအေးဖြစ်ရမှာပါ။ ပြီးရင်တော့ ဆံသားကိုလောင်းချပြီး နှံ့အောင်ပွတ်ပေးပါ။ နာရီဝက်လောက်ထားပြီးမှ ခေါင်းလျှော်ပါ။ ဒီ Hair Mask ကတော့ ဦးရေပြားယားယံတာကို သက်သာစေပြီး ဆံသားသန်စွမ်းစေပါတယ်။
Hair Mask 3
သံလွင်ဆီ – လက်ဖက်ရည်ဇွန်း ၃ ဇွန်းကို အုန်းနို့ – ခွက်တစ်ဝက်စာနဲ့ ရောမွှေပြီး ဦးရေပြားနဲ့ ဆံသားအနှံ့လိမ်းကာ လက်ချောင်းလေးတွေနဲ့ Massage လုပ် နှိပ်နယ်ပေးပါ။ ပြီးရင် Shower Cap နဲ့ အုပ်ထားပြီး ၁၅ မိနစ်ထားပါ။ အချိန်ပြည့်မှ ခေါင်းလျှော်ပါ။ ဒီ Hair Mask ကတော့ ဆံသားသန်စွမ်းပြီး ကျန်းမာစေပါတယ်။
Hair Mask 4
အခုမှဆူပြီး ထည့်ထားတဲ့ ရေနွေးခွက်တစ်ခွက်ထဲကို Nettle Tea Bag – တစ်ထုပ်နဲ့ Rosemary – အနည်းငယ်ထည့်ပါ။ တစ်ည (သို့) တစ်နာရီထားပြီးရင်တော့ အဲ့ဒီစိမ်ထားတာတွေကို ဖယ်ထုတ်ပြီးတော့ အရည်ကို Spray ဘူးထဲထည့်ပါ။ ပြီးရင် ဦးရေပြားကို ဖြန်းပေးရမှာပါ။ တစ်ညထားပြီးမှ ခေါင်းလျှော်လည်း ရပါတယ်။ ဒီ Hair Mask ကတော့ ဆံပင်အုံထူလာစေဖို့ အထောက်အကူဖြစ်စေပါတယ်။
